‼Амăшĕпе хĕрĕ аферистсене 5 млн ытла тенкĕ куçарса панă

👮‍♂Пелепей районĕнчи полици уйрăмне амăшĕпе хĕрĕ заявлени çырма пынă. Вĕсем июнь уйăхĕн 23-мĕшĕнчен пуçласа июль уйăхĕн 10-мĕшĕччен хăйсемпе мессенджер урлă аферистсем çыхăну тытнине пĕлтернĕ.

🖥Усал шухăшлă çынсем хăйсене страхлав компанийĕн ĕçченĕсем пек кăтартса электронлă страхлав полисĕ тума сĕннĕ. Çавăн хыççăн суя Госуслуги ĕçченĕсем шăнкăравлама пуçланă. Вĕсем пур даннăйсем те мошенниксем патне çитме пултараççĕ тенĕ. Каярах суя Центробанк çыннисем банкри укçăрсем çухалма пултараççĕ тесе шăнкăравла пуçланă, мошенниксем укçисене ан вăрлаччăр тесе «контрзайм» илме хушнă.

‼Çапла майпа амăшĕпе хĕрĕ ултавçăсене пилĕк миллион тенкĕ таран куçарса панă. Вĕсенчен 4 млн тенки хăйсем перекетленĕ укçасем пулнă, 1,5 млн тенки - кивçен илнисем.
Надежда РОДИОНОВА.