🌴تجمّع الزهراء ع العاشورائي🌴

‏❤"وعلى أضلاعِكِ المَكسورةِ سلام."💔


استشهاد الزهراء  ع

حرمه اولا عندي حيل ايساعدني
اشما ادفع روحي والباب ايردني
       حاولت اشگد
     كل حيلي انهد    
     ++++++++++
قبل ما يلتقي المسمار بضلوعي
محسن والحجاب وستري موضوعي
ابذلت مجهودي كله ونزلت ادموعي
الوع ابسكته ما واحد سمع لوعي

تطلع اتمنه وما طلعت روحي
مو عيني وضلعي اصعبها جروحي
     ايسبني اتعمد
     كل حيلي انهد
      ++++++++++
بين العصره والدخانه والخنگه
ادوّر عالهوى وما تنفع الشهگه
بقت فتره عليه الباب منطبگه
امد ايدي اعله تچوه ابصفي ما الگه

والنار ابثوبي وبسمار بصدري
نبضات المحسن من وگفت ادري
     مييت ينعد
     كل حيلي انهد
     ++++++++++
اكثر من وگعتي اتألم النهضه
ابسطرته ادموعي عالجدران تتشضه
اصيح وصوتي من النشغه بي كضه
طلعت گوه بس لحگيني يافضه

من يسمع صوتي يرجع يضربني
اشما انهض سوطه للگاع ايذبني
      صحته وما رد
      كل حيلي انهد
     +++++++++
ودي ادركني اصيح وترجع الچلمه
علي من روحي اغله وصيحتي اتألمه
ابطرف الساني لاچن ما صحت باسمه
صوت اسمعته وينچ فاطمه يمه

حسين اليسئلني اعله اكثرها آلامي
گتله انت وزينب اصعب يالضامي
      الزينب من صد
      كل حيلي انهد
     +++++++++
عليه التموا اولادي يحاموني
شگفوا سوطه لا يوصل عله متوني
يضربهم اشوفه او يمه نادوني
من وگعوا عليه بضلعي لچموني

بهالمشهد فكري يتصور خيمه
محترگه وزينب تركض بالهميه
    وكلشي اتفرهد
    كل حيلي انهد
++++++++++
والمثلي دموعه وحزنه شيفيده
بچفوف الفحل حيدر شفت گيده
صحت خلوا ابن عمي وأئشر بأيده
حفظ الدين قصده افهمته ليريده

مامعظم صبره المعروف ابصيته
گدام اعيونه ضربوا ام بيته
صبره الياحد
كل حيلي انهد


ثائر الربيعي

ــــــــــــــــــــــــــــــــــــــــــــــ

#شهادة_السيدة_الزهراء ع
#إلى_روح_السعيد_الشهيد_علي_صبّاح
#طور_زينب_إجت_لحسينها
#تصوير_وصية_السيدة_فاطمة_ ع



مما جاء في وصية الزهراء (عليها السلام) :

" اُوصيك إذا قضيت نحبي، فغسلني ولا تكشف عني، فإني طاهرة مطهّرة، وحنطني بفاضل حنوط أبي رسول الله (صلى الله عليه واله) وصلِّ عليَّ وادفني ليلاً لا نهاراً إذا هدأت العيون ونامت الأبصار، وسرّاً لا جهاراً، وعَفِّ موضع قبري ولا تشهد جنازتي أحداً ممّن ظلمني."


الليله رحيلي يا علي
ودعني بالله يالولي
تبكي اعلى فقدي وتنتحب
والعيلة بيها تبتلي


شيّعني بالليل ابشجن
وانعيني بآهٍ يمّ حسن
إدفنيّ لو نامت عيون
وقبري إلَك خلّي وطن


وحدك تِظل وبس غريب
ما عنْدَك بموتي حبيب
عمرك بعد عمري يطول
وبقلبك اغيابي لهيب


ما تنسى ضلعي اللي إنكسر
ولا خدي لِ بكف إنسطر
اذكرني لو طال الزمن
بعد النبي عِشت القَهَر


كسر الضلع يرجع ترى ... متى يا زهراء ؟؟

كسر الضلع يرجع ترى
لإبني حبيبي يكَسّره ( واحسيناااه)
برض الطفوف الداميّه
وبنتي تروح اميسّره


🖊️خادمة أبي الفضل