Koson.uz | Koson tumani hokimligi

“ARABXONA” MAHALLASIDA CHORVACHILIK TAJRIBASI O‘RGANILDI

Tashrif davomida Qoraqalpog‘iston Respublikasi Jo‘qorg‘i Kengesi deputatlari Koson tumanidagi “Arabxona” mahallasida ham bo‘lib, hududda shakllangan tadbirkorlik tajribasi bilan tanishdilar.

“Arabxona” mahallasida chorvachilik, xususan, qo‘ychilik aholining asosiy daromad manbalaridan biriga aylangan. Mahalla fuqarolari o‘z xonadonlarida chorvachilikni yo‘lga qo‘yib, tadbirkorlik faoliyatini rivojlantirmoqda. Yetishtirilayotgan chorva mahsulotlari, jumladan, go‘sht mahsulotlari ichki bozorlarga yetkazib berilmoqda.

Mehmonlar mahallada chorvachilikni rivojlantirish, aholi bandligini ta’minlash va oilaviy daromad manbalarini kengaytirish borasidagi tajriba bilan yaqindan tanishdilar.

“Arabxona” mahallasidagi ushbu tajriba aholi tashabbusi va tadbirkorlik salohiyatidan samarali foydalanish orqali hudud iqtisodiyotini rivojlantirish mumkinligini ko‘rsatadi.

👉🏻 @Kosontumani_uz

#press-tur
Tadbirlar OAV vakillari uchin press-tur shaklida bo’lib o’tdi

Qoraqalpog‘iston Respublikasi Jo‘qorg‘i Kengesi deputatlari Koson tumanidaga tashrifi munosabati bilan bir guruh OAV vakillari va jamoatchilik uchun press-tur ham tashkil etildi.

Soha vakillari deputatlar bilan birga jarayonlarni yaqindan kuzatishdi va reportaj hamda intervyular tayyorlashdi.

👉🏻 @Kosontumani_uz

“Bunyodkor” tekstil korxonasi faoliyati bilan tanishildi

Tashrif doirasida Qoraqalpog‘iston Respublikasi Jo‘qorg‘i Kengesi deputatlari Koson tumanida faoliyat yuritayotgan “Bunyodkor” tekstil korxonasida ham bo‘ldilar.

Mehmonlar korxonadagi ishlab chiqarish jarayonlari, mavjud quvvatlar va mahsulot turlari bilan yaqindan tanishdilar. Mazkur korxonada ishlab chiqarilayotgan kiyim-kechak mahsulotlari nafaqat ichki bozorda, balki tashqi bozorlarda ham xaridorgirligi bilan ajralib turadi.

Korxona mas’ul xodimi mehmonlarga ishlab chiqarish faoliyatining yo‘lga qo‘yilishi, mahsulotlarni tayyorlash bosqichlari, bozor talabidan kelib chiqib assortimentni kengaytirish hamda mahsulotlar savdosini rivojlantirish borasida amalga oshirilayotgan ishlar haqida ma’lumot berdi.

Shuningdek, suhbat davomida korxonaning kelgusidagi rejalari, ishlab chiqarish hajmini oshirish, yangi imkoniyatlarni ishga solish va faoliyat ko‘lamini yanada kengaytirish masalalariga ham to‘xtalib o‘tildi.

Tashrif davomida mehmonlar tumanda ishlab chiqarish salohiyatini oshirish, tadbirkorlik subyektlari faoliyatini rivojlantirish va mahalliy mahsulotlarning raqobatbardoshligini ta’minlash borasidagi ishlar bilan tanishdilar.

👉🏻 @Kosontumani_uz