bakiroo

​Муқобил сценарийларда инфляция тезлашади, иқтисодий ўсиш эса секинлашади

2027-2029 йилларга мўлжалланган макроиқтисодий прогнозлар доирасида асосий сценарийдан четлашишга олиб келиши мумкин бўлган кўплаб омиллар мавжудлигидан келиб чиқиб, инфляция ва бошқа макроиқтисодий кўрсаткичларга сезиларли таъсир кўрсатиши мумкин бўлган айрим омиллар бўйича муқобил сценарийлар ишлаб чиқилган.

Хусусан, қуйидаги омилларнинг макроиқтисодий кўрсаткичлар прогнозларига таъсири ҳамда улар рўёбга чиққан тақдирда пул-кредит сиёсатининг эҳтимолий жавоб чоралари баҳоланган.

Савдо ҳамкорлари валюталари алмашув курсларининг сезиларли даражада қадрсизланиши таъсирида инфляция даражаси асосий сценарийга нисбатан 0,8-1 фоиз бандга юқори, иқтисодий ўсиш эса 0,1-0,2 фоиз бандга пастроқ шаклланиши мумкин.

Глобал бозорларда нефть нархининг кескин ошиши таъсирида инфляция даражаси асосий сценарийга нисбатан 0,3-0,5 фоиз бандга юқори, иқтисодий ўсиш эса 0,3-0,4 фоиз бандга пастроқ шаклланиши
мумкин.

Жаҳон озиқ-овқат нархларининг сезиларли даражада ошиши офибатида инфляция даражаси асосий сценарийга нисбатан 0,2-0,4 фоиз бандга юқори, иқтисодий ўсиш эса 0,05-0,15 фоиз бандга пастроқ шаклланиши тахмин қилинмоқда.

Банк тизимида рақобатнинг кучайиши ҳисобига иқтисодиётда кредитлаш фаоллигининг ошиши ҳисобига инфляция даражаси асосий сценарийга нисбатан 0,6-0,9 фоиз бандга, иқтисодий ўсиш эса 0,25-0,35 фоиз бандга юқори бўлиши мумкин.

Регуляторнинг тушунтиришича, муқобил сценарий таҳлилининг асосий мақсади келгусида юзага
келиши мумкин бўлган барча ҳолатларни олдиндан прогноз қилиш эмас, балки турли иқтисодий шароитларда пул-кредит сиёсатининг эҳтимолий йўналишларини баҳолаш ва зарур ҳолларда ўз вақтида, олдиндан чоралар кўришга тайёрликни таъминлашдан иборат.

Янги Kia Seltos — ёрқин дизайн ва қулай харид шартлари!

— Ойлик тўлов — 4 859 722 сўмдан
— Бошланғич тўлов — 50%
— Муддат — 36 ой | 0% йиллик ставка
Бепул тест-драйвга ёзилинг ва тўлов жадвалини олинг!

📍 Kia Sergeli
📞 +998(55)500-05-12
Молиявий маҳсулот “Universal bank” АТБ орқали тақдим этилади. Шартлар индивидуал ҳисобланади. Автомобилни суғурталаш мажбурий.
Реклама

​2027 йилда инфляция 5%гача пасайиши учун қандай шартлар керак?

Пул-кредит сиёсатининг 2027-2029 йилларга мўлжалланган асосий йўналишлари концептуал лойиҳасида макроиқтисодий ривожланишнинг асосий ва муқобил сценарийлари ишлаб чиқилган.

Асосий сценарий ташқи ва ички иқтисодий шароитларнинг келгусида босқичма-босқич мувозанатлашувига асосланади. Хусусан, Яқин Шарқдаги можаронинг можаронинг фаол босқичдан чиқиши ва нефть нархларининг босқичма-босқич пасайиши, асосий савдо ҳамкорларида иқтисодий ўсишнинг мўътадил давом этиши, пул ўтказмалари ўсишининг ижобий шаклланиши ҳамда умумий фискал тақчилликнинг ЯИМга нисбатан 3 фоиз атрофида сақланиши назарда тутилган. Шунингдек, кредитлаш ва ички талаб ўсишининг мувозанатлашуви, тартибга солинадиган нархлар ислоҳотининг олдиндан эълон қилинган режалар доирасида якунланиши ва прогноз даврида Ўзбекистоннинг ЖСТга аъзолик жараёни якунига етиши фараз қилинган.

Ушбу шартлар амалга ошган тақдирда, иқтисодий ўсиш 2027 йилда 7-7,5 фоиз, 2028-2029 йилларда 6,5-7,5 фоиз атрофида шаклланиши ва иқтисодий фаолликнинг потенциал ўсиш суръатларига яқинлашиши прогноз қилинмоқда.

Умумий инфляциянинг 2027 йилнинг иккинчи ярмида 5 фоизлик таргетгача пасайиши, 2028-2029 йилларда эса ушбу даража атрофида барқарорлашиши прогноз қилинмоқда. Базавий инфляциянинг 2027 йилда 4-5 фоизгача пасайиши кутилмоқда.

2027 йилда инфляцияни 2 фоиз банддан кўпроқ пасайтириш бир қатор иқтисодий шартларнинг амалга ошиши ҳамда тегишли чора-тадбирларнинг самарали давом эттирилишига боғлиқ.

Биринчидан, 2026 йилда энергия ресурслари ва коммунал хизматлар тарифлари оширилишининг бирламчи таъсири йиллик инфляцияни ҳисоблашда базадан чиқиб кетиши кутилмоқда.
Иккинчидан, қатъий пул-кредит шароитлари таъсирида ялпи талаб ўсишининг мувозанатлашуви ва инфляцион кутилмаларнинг пасайиши тахмин қилинмоқда. Учинчидан, ташқи нарх босимининг юмшаши ва ички таклиф имкониятларининг кенгайиши инфляцияни пасайишига омил бўлиши кутилмоқда.

Регуляторга кўра, инфляцияни барқарор пасайтириш учун нархлар ошишининг иккиламчи таъсирларини жиловлаш, инфляцион кутилмаларни пасайишига шарт-шароитлар яратиш ҳамда ялпи талаб ўсишини иқтисодиётнинг таклиф имкониятларига мувофиқлаштириш муҳим аҳамиятга эга.