Будзьма беларусамі!

🔴 Валера Руселік: «Пакуль у нас самых жыве нашая Беларусь, датуль расейскі змрок ня мае над намі поўнае ўлады»

Што ні тыдзень, то новая дэманстратыўная доза «расейскага сьвету» для Беларусі: ці то перавод беларускамоўных шыльдаў, ці то помнік ужо катораму па ліку кату нашых паўстанцаў, то візыт і публічны выступ чарговага імпэрца ці яшчэ якая трасца... Як у гэтым змроку не згубіць ані сябе, ані Беларусі? У сваёй рубрыцы «Прыдарожны пыл» Валера Руселік шукае арыенціры. І знаходзіць іх.

Вайна на парозе ды па-над галовамі, бясконцыя рэпрэсіі й ня менш бясконцыя срачы, адсутнасьць грошай і пэрспэктываў, няўцямнасьць межаў паміж праўдаю і хлусьнёю й няўпэўненасьць у тым, каму верыць, а каму — не.

Як не апусьціць рукі ды не паддацца адчуваньню нязмогі ў нашыя гэткія змрочныя й вірлівыя часы? На якія маякі арыентавацца пасярод гэтага шторму?

Сярэдзіна лістапада. Пара, калі на нашую краіну традыцыйна насоўваюцца самыя цёмныя ночы. І вось якраз у пятніцу 13-га ў Менску Беларускі саюз архітэктараў у партнэрстве з таксама праўладнымі плятформай «Каманда будучыні» і клястарам «Встреча-Сустрэча» ладзіць майстар-кляс «Маяки русского мира: суверенный ответ современным вызовам». Сярод тэмаў сустрэчы — «как архитектура формирует идентичность и закрепляет Русский мир как самостоятельную цивилизацию».

Падрабязней. 📌Па гэтай спасылцы адкрыецца без VPN.

✍️ Топ-5 беларускіх паэтак, якіх варта ведаць

Тут мы расказваем толькі пра пяць сучасных беларускіх паэтак. Усе яны эмігравалі з Беларусі.

❗️ Мы не называем сучасных беларускіх паэтак, якія застаюцца ў Беларусі, пашукайце самі іх імёны і дадайце да свайго асабістага сьпісу тых, каго трэба ведаць, каб разумець сучасную беларускую паэзію.

Працяг па спасылцы. 🖥 Па гэтай спасылцы адкрыецца без VPN.

🗡 220 год таму, 13 лістапада 1806-га, нарадзілася Эмілія Плятэр

Зрабілі да юбілея змагаркі для вас падборку самых цікавых тэкстаў пра Жанну д'Арк з нашых земляў, якія выйшлі на budzma.org:

⚜️Беларуская Жанна Д’арк.

⚜️Беларуская жанчына, якая ўпісала сваё імя ў гісторыю.

⚜️Не слабы пол. 5 ваяўнічых жанчын у беларускай гісторыі.

⚜️Эмілія Плятэр — дзяўчына, якая змагалася за нашу свабоду.

🗡Будучая рэвалюцыянерка паходзіла з дваранскага роду, яе бацька меў тытул графа. У 1830 г. далучылася да Лістападаўскага паўстання супраць Расійскай імперыі. Графіня арганізавала і ўзначаліла невялікі паўстанцкі атрад, а затым была камандзірам роты пяхоты ў званні капітана, Эміліі было тады дваццаць пяць гадоў.