Телеграм

Publication_uz

@publish_uz Высшее образование и курсы
РКН: проверяем Иноагент: проверяем
Ilmiy brendingizni biz bilan birga yarating

Murojaat va takliflar uchun: https://t.me/publicationu
Открыть в Телеграм ↗ Арендовать

Статистика обновлена 14.11.2026 в 23:14 · 1 просмотр страницы · Хотите больше просмотров?

Подписчики19 705
Охват поста4 063 21% от подписчиков
ERR за месяц20,62%
ERR за 24 часа9,98%

Динамика за 30 дней

Рекламные публикации

Рекламных публикаций не найденоЗа последнее время мы не нашли на площадке ни одного рекламного поста.

Последние публикации

Все посты канала →
Publication_uz tg19 тыс. подписчиков
Открыть пост ↗
#scopus
#web_of_science

🌍 Scopus va Web of Science ma'lumotlar bazalaridagi xalqaro ilmiy jurnallarda mustaqil ravishda bepul maqolalar chop qilishni xohlaysizmi?

🚀 Dekabr oyidagi barcha ilmiy loyihalarimizga qabul yakunlanmoqda!

📚 Sizni quyidagi ilmiy loyihalarimizga taklif qilamiz:

1. Ilmiy maqola yozish sari ilk qadam (1 oy)
2. Scopus sari ilk qadam (1 oy)

🎓 Ushbu loyihalar davomida Siz ilmiy maqola yozishning xalqaro standartlari, maqola strukturasini to‘g‘ri shakllantirish, ilmiy yangilikni asoslash, annotatsiya va kalit so‘zlarni tayyorlash, adabiyotlar bilan ishlash hamda maqolani xalqaro talablar asosida rasmiylashtirishni o‘rganasiz.

📚 Eng muhimi, ilmiy loyihamiz yakunida Scopus va Web of Science ma'lumotlar bazalariga indeksatsiya qilingan xalqaro jurnallarda maqola chop etish uchun zarur bo‘lgan amaliy ko‘nikmalarga ega bo‘lasiz.

🌟 Agar Siz ham ilmiy faoliyatingizni yangi bosqichga olib chiqishni, xalqaro jurnallarda maqolalar chop etishni va ilmiy natijalaringizni dunyo ilmiy hamjamiyatiga taqdim etishni istasangiz, ushbu loyihalar aynan Siz uchun!

🌐 Loyihalarimiz darslariga yozilish uchun murojaat: https://t.me/publicationu

📨 Ushbu postni Siz uchun qadrli bo‘lgan do‘stlaringiz, hamkasblaringiz va ilmga chanqoq barcha guruhlarga ulashishingizni so‘raymiz.

Batafsil ma’lumot olish: https://t.me/publish_uz
1 видео
👁 6.7 тыс. 🔥 3⚡ 2🎉 1 ↻ 30 сегодня в 14:34
Publication_uz tg19 тыс. подписчиков
Открыть пост ↗
#ogohlik

🚨 Ilmiy maqolalar nashri atrofida shakllanayotgan navbatdagi manipulyatsion sxema: zamon bilan hamnafas «firibgarlar»!

😂 Mualliflarimizni ishontirish, potensial mijozlarini o‘z tuzog‘iga ilintirish va «biznes imperiyalari»ni yanada kengaytirish maqsadida ayrim firibgarlar g‘alatidan-g‘alati usullarni o‘ylab topishmoqda.

📑 Navbatdagi «ijodiy yangilik» esa ilmiy maqolalar nashri bo‘yicha mualliflar bilan tuzilayotgan shartnomalarda namoyon bo‘lmoqda. Shartnoma bandlarini o‘qib, kulishni ham, yig‘lashni ham bilmaysan, kishi!

🤔 Birinchi «kashfiyot» - «o‘rinbosar jurnal»! Shartnomada yozilishicha, maqola Scopus ma'lumotlar bazasida indeksatsiya qilinmasa, uni boshqa «o‘rinbosar jurnal»da chop etib berishar ekan. Olaaa! Ilmiy nashriyot sohasida hali biz bilmagan yangi tushuncha paydo bo‘libdi, shekilli! «O‘rinbosar jurnal» degani qanday ilmiy atama ekan? Jurnalning ham o‘rinbosari bo‘ladimi?!

💸 Ikkinchi «mo‘jiza» - avval pul, keyin qabul xati! Shartnomaga ko‘ra, to‘lov amalga oshirilgach, 15–35 ish kuni ichida maqolaning qabul xati yuborilar ekan. Zamonaviy texnologiyalar rivojlangan davrda Photoshop yoki ChatGPT yordamida chiroyli «Acceptance Letter» tayyorlash ham juda qiyin ish emas aslida.

📚 Uchinchi «innovatsiya» - maqolaning taqdiri oldindan ma’lum! Shartnomada maqola qabul qilingach, jurnalga qarab 1,5 oydan 5–6 oygacha bo‘lgan muddatda chop etilishi «ta’minlanishi» qayd etilgan. Ilmiy maqolaning qabul qilinishi esa, aslida, mustaqil ilmiy baholash natijalariga bog‘liq bo‘lishi kerak. Bu yerda esa hammasi go‘yoki oldindan hal qilingan: pulingizni to‘laysiz, qabul xatini olasiz, maqolangiz chop etiladi! Qoyil!

🌐 To‘rtinchi «texnologik inqilob»ga ko'ra Scopus indeksatsiyasiga ham yordam berishar ekan! Eng qiziq bandlardan biri - maqola chop etilgach, 2–3 oy ichida Scopus ma'lumotlar bazasida indeksatsiya qilinishiga yordam berilishi haqidagi va’da. Zo'raaa! Ertaga Scopus ma'lumotlar bazasiga maqola kiritadigan «maxsus tugma»ni ham ixtiro qilishsa, ajablanmaymiz!

💸 Eng qiziq va achinarli jihati shundaki, shartnomada mualliflar tomonidan to‘langan mablag‘larni qaytarish, majburiyatlar bajarilmagan taqdirda kompensatsiya to‘lash yoki ijrochining moliyaviy javobgarligi haqida bir og‘iz ham yozilmagan. Ya’ni maqolangiz chop etilmasa ham, Scopus bazasida indeksatsiya qilinmasa ham, to‘lagan pulingiz taqdiri noma’lum. Barcha «kafolatlar» ijrochining manfaatlarini himoya qilishga qaratilgandek, muallifning huquq va manfaatlari esa butunlay e’tibordan chetda qolgan. Qoyil, firibgarlikning ham «ilmiy asoslangan biznes modeli» yaratilgan ko‘rinadi!

🔎 Ilmiy maqola nashri - bu oddiy oldi-sotdi munosabati emas. Ilm-fan rivojlanayotgan bir paytda, mualliflarning ishonchidan foydalanishga urinayotgan firibgarlarning manipulyatsion usullari ham «takomillashib» bormoqda. Eng achinarlisi, bunday shubhali va’dalarga ishonib, yillar davomida olib borgan ilmiy tadqiqotlari natijalarini ham, mablag‘larini ham xavf ostiga qo‘yayotgan mualliflarimiz soni afsuski kundan-kunga ko'payib bormoqda.

📨 Ushbu postni Siz uchun qadrli bo‘lgan do‘stlaringiz, hamkasblaringiz va ilmga chanqoq barcha guruhlarga ulashishingizni so‘raymiz.

Murojaat: https://t.me/publicationu
Telegram: https://t.me/publish_uz
1 картинка
👁 1.6 тыс. ⚡ 5❤ 3☃ 2 ↻ 4 сегодня в 04:04
Publication_uz tg19 тыс. подписчиков
Открыть пост ↗
#scopus

🚨 Scopus ma’lumotlar bazasidan rasman chiqarilgan jurnallar ro‘yxati e’lon qilindi! Minglab mualliflarimizning Scopus indeksatsiyasi haqidagi orzulari sarobga aylandi!

📢 Afsuski, firibgarlarning manipulyatsion sxemalari sababli yuzlab, ehtimol minglab mualliflarimiz ushbu jurnallarda katta mablag‘ evaziga ilmiy maqolalarini chop qildirishdi.

📚 Scopus ma’lumotlar bazasining 2026-yil oktabr oyidagi yangilangan ro‘yxatida indeksatsiyasi to‘xtatilgan jurnallar:
1. Acta Innovations
2. Agricultural Biotechnology Journal
3. Digest Journal of Nanomaterials and Biostructures
4. Egyptian Journal of Medical Microbiology
5. European Journal of STEM Education
6. Genetics and Molecular Research
7. International Journal of Drug Delivery Technology
8. International Journal of Special Education
9. Journal of Intelligent Decision Making and Information Science
10. Mari Papel y Corrugado
11. Natural Resources for Human Health
12. Onkologia i Radioterapia
13. VISUAL REVIEW. International Visual Culture Review

🌐 Asos: https://www.elsevier.com/products/scopus/content

❗️ Eng achinarlisi, ushbu jurnallarning ayrimlarida 2026-yilda chop qilingan maqolalarni ko‘zdan kechirsangiz, go‘yoki xalqaro ilmiy jurnalni emas, mahalliy jurnallarimizdan birini varaqlayotgandek taassurot uyg‘onadi. O‘zbekistonlik mualliflarning nihoyatda ko‘pligi, qisqa vaqt ichida chop qilingan yuzlab maqolalar va ularning ortida turgan katta moliyaviy manfaatlar jiddiy savollarni yuzaga keltirmoqda.

🔎 Afsuski, ushbu jurnallarda chop qilingan ko‘plab maqolalar Scopus ma’lumotlar bazasiga indeksatsiya qilinmagan. Ayrim maqolalar indeksatsiyadan o‘tgan bo‘lsa-da, ularning ham bazadan chiqarilishi kutilmoqda.

💰 Tasavvur qilyapsizmi? Yuzlab, ehtimol minglab mualliflarimiz yillar davomida kutgan ilmiy natijalarini Scopus bazasida ko‘rish umidida katta mablag‘ sarflashdi. Natijada esa ularning ilmiy mehnati, vaqti, mablag‘i va eng muhimi, ishonchi firibgarlarning daromad olishga qaratilgan biznes modeli qurboniga aylandi.

⚠️ Eng xavflisi, firibgarlar jurnallarning Scopus bazasidagi haqiqiy holatini bilgan yoki bilishi mumkin bo‘lgan vaziyatlarda ham mualliflarga indeksatsiya bo‘yicha asossiz va’dalar berishda davom etishmoqda. Mualliflar esa maqolasi jurnal saytida e’lon qilinganini ko‘rib, uni Scopus bazasida ham mavjud deb hisoblashmoqda.

📌 Maqolangizning jurnal veb-saytida chop qilinishi uning Scopus ma’lumotlar bazasiga indeksatsiya qilinganligini anglatmaydi. Jurnalning indeksatsiya holati, qamrov muddati va maqolangizning bazada mavjudligini mustaqil tekshirishni unutmang.

💔 Scopus indeksatsiyasi orzusi bilan katta mablag‘ sarflagan, ammo bugun umidlari sarobga aylangan mualliflarimizga faqat sabr tilaymiz.

✅ Afsuski, bu voqealar yana bir bor shuni ko‘rsatmoqdaki, ilmiy nashrlar sohasidagi savodsizlik, haddan tashqari ishonuvchanlik va vositachilarning asossiz va’dalari ayrim shaxslar uchun katta daromad manbayiga aylanmoqda.

P.s: Ilm-fan rivojlanishi uchun xizmat qilishi kerak bo‘lgan xalqaro ilmiy nashrlar ayrim insofsiz shaxslarning biznes vositasiga aylanmasligi kerak!

📨 Ushbu postni Siz uchun qadrli bo‘lgan do‘stlaringiz, hamkasblaringiz va ilmga chanqoq barcha guruhlarga ulashishingizni so‘raymiz.

Murojaat: https://t.me/publicationu
Telegram: https://t.me/publish_uz
1 картинка
👁 2 тыс. ❤ 5❤‍🔥 1⚡ 1 ↻ 17 вчера в 13:18