Dehqonobod tumani hokimligi

Chegaraoldi lalmi hududda zamonaviy sug‘orish texnologiyasi joriy etildi

Dehqonobod tumanining chegaraoldi lalmi hududida joylashgan Torqopchug‘ay mahallasida istiqomat qiluvchi fuqaro To‘ymurod Aliqulov tomorqa yeridan unumli foydalanish maqsadida zamonaviy agrotexnologiyalarni joriy etdi.

U o‘z tomorqasida 60 metr chuqurlikda artezian quduq qazdirib, suv chiqarish tizimini yo‘lga qo‘ydi. Shuningdek, 7,5 kVt quvvatga ega quyosh panellari o‘rnatib, ekin maydonlarini sug‘orishda energiya tejamkor yechimdan foydalanmoqda.

Eng e’tiborlisi, dehqonchilikda yomg‘irlatib sug‘orish texnologiyasi joriy etilgan. Ushbu usulda suv maxsus quvurlar va purkagichlar orqali yomg‘ir shaklida ekin maydonlariga sepiladi. Bu esa suvdan samarali foydalanish va ekinlarni bir maromda sug‘orish imkonini beradi.

Chegaraoldi lalmi hududda amalga oshirilgan ushbu tashabbus suv va energiya tejamkor texnologiyalardan foydalanish, tomorqa yerlarining hosildorligini oshirish hamda oilaviy daromadni ko‘paytirish borasidagi amaliy ishlardan biridir.

Kanalga ulanish: @Dehqonobodpress

Prezidentimiz yangi davrda yaratilgan tarixiy filmlarga to‘xtaldi. Ular orasida “Islomxo‘ja”, “Ibrat”, “Avloniy”, “Abdulla Qodiriy”, “Qo‘qon shamoli”, “Muqimiy”, “Ilhaq”, “O‘zbek qizi”, “Bahodir Yalangto‘sh” bor.

Milliy kadrlarimizning yangi avlodi yetishib chiqdi. Davlatimiz rahbari bunda kinoijodkorlarning munosib hissasi borligini qayd etdi.

“Oltin globus” xalqaro kino mukofoti tarixida Markaziy Osiyo va Kavkaz kinoijodkorlarini taqdirlash marosimi ilk bor Toshkentda o‘tkazildi. Uchrashuvda ishtirok etayotgan aktrisa Gulchehra Jamilova “Meridian” mukofotiga sazovor bo‘ldi.

Shu bilan birga, Prezidentimiz milliy kino san’atimizni yangi bosqichga olib chiqish borasida oldinda hali ko‘p ishlar turganini ochiq aytish zarurligini ta’kidladi.

Facebook|Instagram|X

Chilgazda to‘rtta mahalla faoliyati tanqidiy-tahliliy muhokama qilindi

Dehqonobod tumani hokimi Sherzod Shokirov Chilgaz mahallasida Chashmamiron, Boshchorbog‘, Chilgaz va Sarchashma mahallalarining mas’ullari, mahalla yettiligi a’zolari hamda jamoatchilik vakillari bilan kengaytirilgan davra suhbati o‘tkazdi.

Muloqotda maktab direktorlari, qishloq vrachlik punktlari mas’ullari, mahalla faollari, nuroniylar va faol fuqarolar ham ishtirok etdi.

Suhbat davomida har bir mahallada olib borilayotgan ishlarning bugungi holati, belgilangan vazifalar ijrosi va mavjud muammolar atroflicha tahlil qilindi. Xususan, mahalla yettiligining aholi bilan ishlash samaradorligi, xonadonlarning kuz-qish mavsumiga tayyorgarligi, ijtimoiy obyektlarning holati, kambag‘allikni qisqartirish, aholi bandligini ta’minlash va tadbirkorlik tashabbuslarini qo‘llab-quvvatlash masalalari kun tartibidan o‘rin oldi.

Shuningdek, fuqarolar murojaatlari bilan ishlashda yo‘l qo‘yilayotgan kamchiliklar, takroriy murojaatlarning kelib chiqish sabablari ham muhokama qilindi. Mas’ullarga har bir murojaatga yuzaki yondashmasdan, uning sababini o‘rganish va qonuniy yechim topish zarurligi uqtirildi.

Mahallalarda sog‘lom ma’naviy muhitni shakllantirish, oilaviy qadriyatlarni mustahkamlash, erta nikoh va ajrimlarning oldini olish, to‘y-ma’rakalarni ixcham o‘tkazish, nuroniylar hamda jamoatchilik vakillarining faolligini oshirish borasidagi vazifalarga ham alohida to‘xtalib o‘tildi.

Tuman hokimi muhokama davomida aniqlangan kamchiliklar yuzasidan mas’ullarga tegishli ko‘rsatma va topshiriqlar berib, yil yakuniga qadar belgilangan vazifalarni shunchaki bajarish emas, balki aniq natijaga erishish muhimligini ta’kidladi.

Uchrashuvning yakuniy qismida hudud aholisi bilan bevosita muloqot qilinib, fuqarolarning murojaatlari, takliflari va fikr-mulohazalari tinglandi. Bildirilgan masalalar yuzasidan tegishli mas’ullarga vazifalar belgilandi.

Kanalga ulanish:
@Dehqonobodpress

📢 E’LON!

DEHQONOBOD TUMANIDA “YASHIL LOT” TIZIMI ORQALI YER MAYDONLARI AJRATILADI

Hurmatli tadbirkorlar, yuridik shaxslar va tashabbuskor fuqarolar!

Dehqonobod tumanida yashil hududlarni kengaytirish, ekologik muhitni yaxshilash, zamonaviy yashil bog‘lar va xiyobonlar tashkil etish hamda tuman hududlarini yanada obod va ko‘rkam maskanga aylantirish maqsadida “Yashil lot” tizimi orqali yer maydonlari ajratilishi ma’lum qilinadi.

🌳 Yer maydonlari quyidagi yo‘nalishlarda ajratiladi:

➡️ Zamonaviy yashil bog‘lar va xiyobonlar tashkil etish;

➡️ Manzarali daraxtlar va butalar ekish;

➡️ Mevazor va intensiv bog‘lar barpo etish;

➡️ Tuman hududlarini ko‘kalamzorlashtirish va obodonlashtirish;

➡️ Ekologik loyihalar hamda yashil hududlarni rivojlantirish.

📌 Yer maydonlarini ajratish shartlari:

➡️ Yer uchastkalari jismoniy va yuridik shaxslarga belgilangan tartibda, shartnoma asosida foydalanish uchun ajratiladi;

➡️ Yer maydonlaridan faqat belgilangan maqsadlarda foydalaniladi;

➡️ Ajratilgan yer uchastkalari xususiy mulk sifatida berilmaydi;

➡️ Yer maydonlarida qurilish ishlari va turli konstruksiyalar o‘rnatishga yo‘l qo‘yilmaydi;

➡️ Yaratilgan yashil hududlardan aholining umumiy foydalanish huquqi ta’minlanadi.

Hurmatli dehqonobodliklar!

Tumanimizning ekologik qiyofasini yaxshilash, yashil maydonlarni ko‘paytirish, obod va ko‘rkam Dehqonobod barpo etish ishlariga o‘z hissangizni qo‘shing!

🌱 Yashil hududlar yaratishga qaratilgan istiqbolli loyihalaringiz bilan “Yashil lot” tanlovida faol ishtirok eting!

☎️ Murojaat uchun telefon:
+998 77 066-76-42

Kanalga ulanish:
@Dehqonobodpress

REPORTAJ: Kaltaminor mahallasida yangi ma’muriy bino foydalanishga topshirildi

Shuningdek, mahallada infratuzilmani yaxshilash, aholi uchun qulay shart-sharoitlar yaratish borasida bir qator bunyodkorlik va obodonlashtirish ishlari amalga oshirilmoqda.

Kanalga ulanish:
@Dehqonobodpress