تبسم را‌‌‌‌‌‌ډيو - خبر

‏د جرمونو نړیوالې محکمې (آی سي سي) قاضیانو پرېکړه کړې چې په افغانستان کې د امریکايي ځواکونو او داعش خراسان ډلې د احتمالي جنګي جرمونو څېړنې په رسمي ډول وتړي او خپل تمرکز د ۲۰۲۱ کال راهیسې د اسلامي امارت پر کړنو وکړي.

د کندهار د شاوليکوټ ولسوالۍ اوسېدونکي وایي، د وچکالۍ سربېره یې کلیوالي لارې خرابې دي او په سیمه کې یې د روغتیا، مخابراتو او د ماشومانو د ښوونې او روزنې په برخه کې اسانتیاوې نشته.

‏په یمن کې د ایران ملاتړ لرونکې حوثي ډلې ادعا وکړه چې د سعودي عربستان په پلازمېنه ریاض کې یې د ارامکو د تېلو پر تاسیساتو د بې پیلوټه الوتکې برید کړی دی.