Дятлово ОНЛАЙН

🟧🟧🟧🟧🟧
У Мінску стартаваў форум працаўніц сельскай галіны

🌸🌸🌸Напярэдадні Дня работнікаў сельскай гаспадаркі і перапрацоўчай прамысловасці аграпрамысловага комплексу 13-14 лістапада ў нашай краіне праходзіць V Ушанаванне працаўніц сяла.
Арганізатарам мерапрыемства выступае грамадскае аб’яднанне “Беларускі саюз жанчын” сумесна з Саветам Рэспублікі Нацыянальнага сходу Рэспублікі Беларусь, Міністэрствам сельскай гаспадаркі і харчавання і Федэрацыяй прафсаюзаў Беларусі.
У праграме форуму – экскурсіі, урачыстае адкрыццё сустрэчы, наведванне Нацыянальнага акадэмічнага Вялікага тэатра оперы і балета Рэспублікі Беларусь.

Сярод 600 удзельніц рэспубліканскага ўшанавання ў саставе дэлегацыі Гродзенскай вобласці чатыры вопытныя і адданыя сваёй справе работніцы Дзятлаўскага раёна – начальнік цэха рэпрадуктара свінакомплекса ААТ “Граніт-Агра” Ірына Сёмуха, памочнік брыгадзіра вытворчай брыгады ў раслінаводстве КСУП “Жукоўшчына” Алена Касянюк, лабарант Дзятлаўскай раённай ветстанцыі Анастасія Макоўская, кладаўшчык КСУП “Хвінявічы” Марыя Апанасік.
Перад дарогай у сталіцу яны зазначылі, што едуць на мерапрыемства з выдатным настроем і пачуццём гонару за свой рэгіён і працоўныя калектывы, чакаюць ад жаночага форуму цікавых уражанняў, новых знаёмстваў, пазітыву і яшчэ больш даведацца пра актыўных работніц сельскагаспадарчай галіны з розных рэгіёнаў, магчыма, узяць на ўзбраенне лепшыя ідэі і вопыт, а таксама адпачыць і далучыцца да культурнага жыцця краіны.

➡️ https://diatlovonews.by/u-minsku-startava-forum-praca-nic-selskaj-galiny/

🔹🔹🔹🔹🔹Свята атрымалася на славу!

Дэлегацыя Дзятлаўшчыны на чале са старшынёй райвыканкама Андрэем Садоўскім прыняла ўдзел у абласным мерапрыемстве, прымеркаваным да Дня сельскай гаспадаркі і перапрацоўчай прамысловасці аграпрамысловага комплексу.

🇧🇾🇧🇾🇧🇾🇧🇾🇧🇾За шматгадовую плённую працу і з нагоды прафесійнага свята дзятлаўчане былі адзначаны высокімі ўзнагародамі:

медалём “За працоўныя заслугі” – начальнік Дзятлаўскай раённай ветэрынарнай станцыі, галоўны ветэрынарны доктар, галоўны ветэрынарны інспектар раёна Баляслаў Кулеш;
нагрудным знакам Міністэрства сельскай гаспадаркі і харчавання – галоўны заатэхнік КСУП “Хвінявічы” Марыя Слушко;
Ганаровай граматай Гродзенскага аблвыканкама – трактарыст-машыніст ААТ “Граніт-Агра” Вадзім Майсейчык;
граматай Гродзенскага абласнога Савета дэпутатаў – трактарыст-машыніст КСУП “Жукоўшчына” Мікалай Бакшук.
Прафсаюзную ўзнагароду за працу атрымаў трактарыст ААТ “Дварэцкі льнозавод” Іван Дашчэчка. Пераможцамі і прызёрамі абласных спаборніцтваў на правядзенні сельгасработ сталі камбайнер ААТ “Граніт-Агра” Дзмітрый Масейка, вадзіцель КСУП “Войневічы” Мікалай Мішчук, аграном ААТ “Дварэцкі льнозавод” Арцём Ліпніцкі.
Таксама на абласной сцэне віншаванні прымала ветэран працы, былы заатэхнік-селекцыянер КСУП “Жукоўшчына” Людміла Трышына.

Дзятлаўчане падзяліліся сваімі ўражаннямі ад урачыстасці і эмоцыямі ад узнагарод.

Баляслаў Кулеш:

– З хваляваннем і пачуццём гонару за ўвесь раён паднімаўся на святочную сцэну па медаль “За працоўныя заслугі” – адну з пачэсных узнагарод у Беларусі, якую мне ўручыў памочнік Прэзідэнта – інспектар па Гродзенскай вобласці Канстанцін Бурак. Хачу падзякаваць кіраўніцтву раёна, старшыні райвыканкама Андрэю Садоўскаму і былому начальніку ўпраўлення сельскай гаспадаркі і харчавання райвыканкама Віталію Шулейку за тое, што высока ацанілі маю працу і рэкамендавалі да ўзнагароджання.  Ад душы віншую ўсіх работнікаў нашай сферы з надыходзячым святам, жадаю моцнага здароўя і поспехаў ва ўсіх справах.

Марыя Слушко:

– Гродна сустрэў нас цёпла і гасцінна: прыгожыя людзі, душэўны канцэрт, цёплыя віншаванні – усяго гэтага было шмат. На абласной сцэне мяне ўзнагароджвалі нагрудным знакам “За заслугі ў сельскай гаспадарцы” ­ – самай высокай узнагародай Міністэрства сельскай гаспадаркі і харчавання. Вельмі прыемна, што мая праца і праца нашага калектыву так высока цэніцца на дзяржаўным узроўні. На мерапрыемстве сустрэла шмат знаёмых, калег, прымала словы віншавання і кветкі, што таксама заўсёды радуе. Свята атрымалася на славу!

Дзмітрый  Масейка:

– Мы кожны дзень працуем у сваіх сельгаспрадпрыемствах, стараемся атрымаць добры вынік. І вельмі прыемна станавіцца лідарам у сваёй сферы. Я атрымаў узнагароду камітэта па сельскай гаспадарцы і харчаванні Гродзенскага аблвыканкама за лепшы вынік на касьбе траў. Адметна, што ў нашай сённяшняй дэлегацыі яшчэ два лідары ў сваіх відах работ. Цудоўнае свята! Парадаваў цікавы канцэрт і багаты фуршэт ад прадпрыемстваў перапрацоўчай прамысловасці нашай вобласці.

➡️ https://diatlovonews.by/svyata-atrymalasya-na-slavu/

🔼🔽Актуальны каментарый. Дэпутат – чалавек з нераўнадушнай грамадзянскай пазіцыяй

13 лістапада горад Дзяржынск стаў пляцоўкай для маштабнага дыялогу аб развіцці рэгіёнаў. Пад кіраўніцтвам старшыні Савета Рэспублікі Нацыянальнага сходу Рэспублікі Беларусь Наталлі Качанавай тут прайшло VII выязное пасяджэнне Савета па ўзаемадзеянні органаў мясцовага самакіравання. У яго рабоце прымалі ўдзел 308 членаў Савета Рэспублікі, кіраўнікоў органаў дзяржаўнага кіравання і дэпутацкага корпуса ўсіх узроўняў з розных рэгіёнаў Беларусі.
Дзятлаўшчыну прадстаўлялі старшыня раённага Савета дэпутатаў Аляксандр Бараноўскі і старшыня Дварэцкага сельвыканкама Канстанцін Вінцукевіч.

– Лейтматывам размовы гучала думка аб тым, што ў цэнтры ўвагі заўсёды павінны быць людзі, іх спадзяванні і клопаты, – расказаў аб вялікай размове Аляксандр Бараноўскі. – Ішла гаворка аб дзейнасці мясцовых Саветаў дэпутатаў, каардынуючай ролі дэпутацкага корпуса ў комплексным развіцці тэрыторый сельскіх саветаў. Наталля Качанава падкрэсліла, што народныя абраннікі заўжды павінны быць ініцыятарамі паляпшэння жыцця людзей у сельскай мясцовасці, нельга дапускаць, каб без важкіх на тое прычын закрываліся сацыяльна значныя аб’екты, у тым ліку ўстановы аховы здароўя. Пагаварылі і аб станоўчай практыцы ўкаранення грамадскіх ініцыятыў, у якіх актыўны ўдзел прымае само насельніцтва. Не абышлі ўвагай неабходнасць аказання падтрымкі непаўналетнім, якія гадуюцца ў сацыяльна ненадзейных сем’ях. Дэпутат не павінен стаяць у баку, калі дзецям кепска. Шмат увагі было нададзена рабоце дэпутатаў пярвічнага звяна – у сельскіх саветах, іх ролі ў вырашэнні пытанняў мясцовага насельніцтва, рабоце са зваротамі грамадзян, па навядзенні парадку на зямлі, зносе струхнелых пустых дамоў і продажы тых, якія яшчэ можна выкарыстоўваць. На Дзятлаўшчыне падобная работа наладжана, пачулі прыклады і ад іншых раёнаў.

 
Ад Наталлі Качанавай прагучаў дакладны пасыл: дэпутаты павінны дзейнічаць прадуктыўна, каб людзі ім давяралі, прыходзілі на прыёмы да сваіх абраннікаў з пытаннямі або ініцыятывамі, а мы каб клапаціліся аб дабрабыце насельніцтва ў розных сферах ад здароўя, да стану дарог і сямейнага дабрабыту, бо дэпутат – чалавек з нераўнадушнай грамадзянскай пазіцыяй.

– Уся работа, пра якую ішла размова на форуме, у нашым сельскім савеце вядзецца не горш, чым у іншых рэгіёнах рэспублікі, – зазначыў Канстанцін Вінцукевіч. – Безумоўна, ёсць нюансы, якім належыць надаць крыху больш увагі. Сярод важнага: мы – пярвічны ўзровень дэпутацкага корпуса і павінны працаваць дзеля дабрабыту насельніцтва на сваіх тэрыторыях, мінімізаваць выпадкі, калі закрываюцца сацыяльна значныя аб’екты, бо, як правіла, гэта не паляпшае жыцця людзей. Хаця выпадкі бываюць розныя. Напрыклад, калі закрываліся стацыянарныя магазіны ў вёсках, насельніцтва было вельмі незадаволена. Прайшло няшмат часу, у некаторых вёсках засталося па 5-6 чалавек, якім прадукты дастаўляе аўталаўка практычна да дома. Цяпер вяскоўцы выказваюцца пра такое абслугоўванне пазітыўна. Адным словам, наша галоўная задача – гэта жыццё насельніцтва, ёй мы заўжды надавалі максімум увагі і прадоўжым гэта рабіць надалей.

➡️ https://diatlovonews.by/aktualny-kamentaryj-deputat-chalavek-z-nera-nadushnaj-gramadzyanskaj-pazicyyaj/