Pressa.tj | Хабарҳои Тоҷикистон ва ҷаҳон | Пресса тч

КОНСЕРТИ ТОЛИБХОН ШАҲИДӢ ДАР ФАРОНСА

Шоми 10-уми ноябри соли 2026 дар толори «Салле Гарниер» -и Театри операи Монте-Карло бахшида ба 80 – солагии композитори маъруфи тоҷик Толибхон Шаҳидӣ консерт баргузор шуд.

Тавре ба Pressa.tj хабар доданд, шоҳзодаи Монако Алберти II дар консерт ҳузур дошт ва борҳо ба ифтихори Толибхон Шаҳидӣ аз ҷой хеста, кафкӯбӣ намуд.

Дар Душанбе беморхонаи байналмилалӣ ба истифода дода шуд
 
Дар пойтахти Тоҷикистон Беморхонаи байналмилалии Душанбе ба истифода дода шуд, ки бо технологияи муосир таъмин буда, дастгоҳҳои ташхисияш бо имкониятҳои ҳуши маснуӣ муҷаҳҳазанд.
 
Ин беморхонаро рӯзи 13-уми ноябр Эмомалӣ Раҳмон, Президенти Тоҷикистон ва Рустами Эмомалӣ, раиси Маҷлиси миллӣ, шаҳрдори Душанбе мавриди истифода қарор додаанд.

 
Ба иттилои дафтари матбуоти Президенти кишвар, Эмомалӣ Раҳмон ба масъулин ҷиҳати истифодаи самараноки имкониятҳои иншооти нав, риояи меъёрҳои байналмилалии хидматрасонии тиббӣ ва таваҷҷуҳи доимӣ ба саломатии шаҳрвандон дастуру тавсияҳо додааст.

 
Беморхона барои дар як вақт ба ташхис фаро гирифтани 1200 мизоҷ ва хобондани 150 бемор пешбинӣ шуда, дорои 30 шуъба аст.

PRESSA.TJ

Хадамоти алоқа ба сокинон: Бештар аз Wi-Fi истифода баред
 
Хадамоти алоқа аз сокинон даъват кардааст, ки дар хона, ҷойи кор ва маконҳои ҷамъиятӣ бештар аз хидматрасонии Wi-Fi истифода баранд.
 

Ба иттилои хадамот, дар чанд соли охир ҳаҷми истифодаи трафики интернет ба ҳар як истифодабаранда беш аз 12 маротиба афзоиш ёфтааст. Ин раванд сарбориро ба шабакаҳои мобилӣ зиёд кардааст.

 
Хадамоти алоқа истифодаи Wi-Fi-ро яке аз роҳҳои коҳиш додани сарборӣ ба шабакаҳои мобилӣ арзёбӣ намуда, тавсия додааст, ки шаҳрвандон аз ин навъи пайвастшавӣ истифода кунанд.

PRESSA.TJ