Яшел Узэн Медиа🗞

🩺 ФГДС, колоноскопия... Бу сүзләрне ишетүгә үк кайберәүләр тикшеренүне кичектерергә ашыга. Ә курку сәламәтлек өчен мөһим булган тикшерүләргә киртә булырга тиешме?

Яшел Үзән район үзәк хастаханәсенең табиб-эндоскописты Артур Гәрәев заманча эндоскопик тикшеренүләр, алардан куркырга кирәкме-юкмы һәм нинди билгеләргә игътибар итәргә кирәклеге турында сөйли.

🤔 Ясалма интеллектка гына ышанып диагноз куеп буламы? Тикшеренүләрне кайчан узарга кирәк? Табиб киңәшләрен сайтта укыгыз!👇👇

https://yashel-uzan.ru/news/kirklekishlr/vakytynda-tikserenu-salamatlekne-saklaunyn-mohim-adymy

📹 Видео: Чулпан Гыйсмәтуллина
#очлыкүзлекамерам
#Татмедиа

🪗 Әтием Тәлгать Хәбибулла улы Нәбиуллин танылган гармунчы иде. Яшь чагында костюмга дип бирелгән акчага гармун сатып алган. Бу җырның сүзләрен дә вафатына бер ел кала үзе язган иде. Аның бакыйлыкка күчүенә инде җиде ел ярымнан артык вакыт узды. Урыны оҗмахта булсын. Әмин!

✏️ Илдар Нәбиуллин

❤️ Күңел җылысы ерак араларны якынайта!

Күгәй авылының аксакаллары – мәчет бабайлары күрше Мамадыш авылына юл тотты. Максатлары – заманында «Ленин» колхозы кырларында бергә хезмәт куйган хезмәттәшләренең хәлен белү, хәл-әхвәл сорашу.

Алар күп еллар атаклы "Ленин" колхозында тракторда эшләгән Мансур абый Вильдановның хәлен белеп, кунакта булып кайтты. Очрашу бик җылы һәм күңелле узды: үткәннәрне искә алдылар, истәлекләрне яңарттылар, бергә эшләгән елларны хәтердә яңадан барладылар.

Мондый очрашуларның кадере аеруча зур. Еллар узса да, хезмәттәшлек җепләре өзелми, күңелләр бер-берсенә тартыла. Кешенең хәлен белү, аны онытмау, игътибар һәм ихтирам күрсәтү – үзе зур савап.

Киләчәктә дә шулай бер-беребезне кайгыртып, хәлләребезне белешеп, күңел җылысын бүлешеп яшәргә язсын! 🤲

🔗 Чыганак: Күгәй авылы Вк төркеме