Bobil Kutubxonasi

Yosh ijodkorlarni qo’llab quvvatlaylik.
Bir hafta avval o’zim uchun shu shoirni kashf qildim. Tarjimalari ham e’tiborga arziydi.

Menimcha kuzatish kerak :)

@yongin_minorasi_gulxani

Hayot sizga nimanidir ravo ko’rmagan payt shuni eslang:
Amir Temurdek qudratli odam bu dunyodan chips, pomidorli shakarob salat va bodroq yemay o’tdi.

Ya’ni, dunyoning eng kuchli odami bo’lsang bo’l, hayot baribir seni nimadandir quruq qoldiradi.

@bobil_kutubxonasi

***

Bir boshqacha kirib keldi kuz,
bexos keldi, aytmay, notugal.
O, qushlar-la hokisor Avgust
uchib ketdi kecha janubga.
Taraddudda qoldi daraxtzor,
ilinj bilan uh tortdi barglar.
Olislashdi yellar — ishvakor,
bexushlandi bogʻlar, yuraklar...
Kimdir meni sogʻindi shu payt,
men kimgadir qattiq ichikdim.
Telbalangan sarkash shamolga
shivirladim...
kechir, kechikdim.
... va guldurak tutdi samoni,
yogʻaverdi dardchil yogʻishlar.
U keladi...
qayerlardadir
kimdir oʻzga ilinj bagʻishlar...
Kuz, charx urib sadr tushgan kuz —
ey xotirot, ey nafis qiynoq.
Yolgʻonlarim tugadi, afsus —
buncha qiyin dilni aldamoq...
Tun tushadi, oy suzmas endi,
tushdan qoʻrqib uhlamay chiqdim.
Sezayapman, olisda kimdir
shivirlaydi...
kechir, kechikdim...

Mirzohid Muzaffar

@bobil_kutubxonasi