Беларусы Замежжа

🎥 Роўна шэсць гадоў таму ў Мінску памёр Раман Бандарэнка

Раман — жыхар «Плошчы Перамен». 11 лістапада 2020 года ён убачыў у дваровым чаце паведамленне пра тое, што нейкія людзі зрываюць бел-чырвона-белыя стужкі каля яго дома, і выйшаў паразмаўляць з імі.

Невядомыя ў цывільным адзенні і масках збілі хлопца. У цяжкім стане Раман трапіў у бальніцу. Яму зрабілі аперацыю, якая доўжылася некалькі гадзін, але стан працягваў пагаршацца.

Увечары 12 лістапада Раман Бандарэнка памёр.

📌 «Вінаватыя не панеслі адказнасці». Шэсць гадоў са дня смерці жыхара "Плошчы перамен" Рамана Бандарэнкі

⚡️Беларусы засталіся без консульскай падтрымкі. Адсюль - многія праблемы з дакументамі.

Мы ведаем, колькі нерваў і часу сыходзіць на кожную паперку. Таму мы працягваем збор інфармацыі ад беларусаў, якія жывуць у Італіі.

🔻Навошта гэта трэба?
Паказаць маштаб праблем італьянскім установам і разам шукаць сістэмныя рашэнні. Але без вашых рэальных гісторый у нас проста не будзе важкіх аргументаў для сустрэч з чыноўнікамі.

🔻Што нам важна ведаць?
Абсалютна ўсё. Праблемы ў камуне, адмовы ў банках, пратэрмінаваны пашпарт... Нават калі ваша сітуацыя падаецца вам занадта дробнай — напішыце пра яе.

🔻Гэта бяспечна?
Так, запаўненне анкеты ананімнае. Нам патрэбны факты і статыстыка, а не вашы асабістыя дадзеныя.

👉 Спасылка на анкету https://forms.gle/yFhnG4QkXfTos6Hd8

Гэта - збор інфармацыі не ў «шуфлядку». І ён мае значэнне.

🕯 Беларусы Варшавы ўшанавалі памяць Рамана Бандарэнкі і ўсіх ахвяр рэпрэсій

8 лістапада беларусы Варшавы выйшлі на чарговую акцыю, прысвечаную памяці Рамана Бандарэнкі і ўсіх беларусаў, якія загінулі ў выніку забойстваў, катаванняў і рэпрэсій з боку рэжыму Лукашэнкі.

Мы памятаем. Мы салідарныя. Мы не маем права маўчаць. Памяць пра загінулых, падтрымка тых, хто змагаецца за праўду і справядлівасць, і супольнае супрацьстаянне гвалту аб'ядноўваюць нас.