Markaziy saylov komissiyasi

✍️ 21-oktabr — O‘zbek tili bayrami muborak bo‘lsin!

Aziz yurtdoshlar!

Barchangizni bugungi qutlugʻ ayyom – Oʻzbek tili bayrami bilan chin qalbdan, samimiy muborakbod etamiz!
 
Yangi Oʻzbekistonda barcha yoʻnalishlarda sobitqadamlik bilan davom ettirilayotgan tarixiy islohotlar jarayonida davlat tilini rivojlantirish, uning nufuzini va mavqeini yanada oshirish, xalqaro miqyosda keng targʻib etishga qaratilayotgan ulugʻvor ishlar oʻzining yuksak samaralarini bermoqda.
 
Bunday keng koʻlamli oʻzgarishlar mamlakatimiz milliy saylov tizimida ham oʻz inʼikosini topmoqda. «Davlat tili haqida»gi qonun talablari toʻla va samarali taʼminlanmoqda.
 
Oʻzbek tili bayrami  ona tilimizni sharaflash, uning qadrini yanada yuksaltirish ayyomidir. Ushbu bayram davlat tilining Oʻzbekistonda yashayotgan barcha  millatlar va elatlarning sevimli tiliga, maʼnaviy ehtiyojiga, faxr-iftixoriga aylanishida muhim omil boʻlmoqda.
 
Barchangizga ona tilimizning nufuzini yana yuksaltirish va yurtimiz ravnaqi yoʻlidagi sharafli faoliyatingizda ulkan zafarlar tilaymiz.
 
Oʻzbek tili bayramingiz muborak boʻlsin!
 
✅ Markaziy saylov komissiyasi jamoasi

Saylov.uz | Telegram | Facebook | Instagram | X | Ok.ru | YouTube