ራስን መለወጥ

ሺቫኒ ከ27 ዓመታት በፊት ሚሪያላጉዳ (ቴልንጋና) ውስጥ በልዩ የዘረመል አጥንት ህመም ተወለደች። አጥንቶቿ በጣም ስስ በመሆናቸው በተወለደችበት ቅጽበት ዳሌዋ ተሰበረ፤ በልጅነቷም ቀስ አድርጎ ማንሳት እንኳ አጥንቷን ይሰብረው ነበር። ሆስፒታልና ጂፕሰም የዕለት ተዕለት ህይወቷ ሆኑ፤ በአፍላ የጉርምስና ዕድሜዋም እጆቿና እግሮቿ በቋሚነት ጎበጡ።

አባቷ ሱንኮጁ ቬንካታቻሪ የሞተር ሳይክል መካኒክ ነው። ለሕክምናዋ በሚሊዮን የሚቆጠር ብር ቢያወጣም፥ በመጨረሻ ዶክተሮች በሽታው የዘረመል (ጄኔቲክስ) በመሆኑ ምንም ዓይነት ፈውስ እንደሌለው ነገሩት።

ብዙ ወላጆች ቢሆኑ እንዲህ ዓይነት ልጅን እቤት ውስጥ ዘግተው ያስቀምጧት ነበር። እሱ ግን በዓይኖቿ ውስጥ ሌላ ነገር አየ፦ የመማር ጥማት! መጀመሪያ ራሱ አስተማራት፤ 8 ዓመት ሲሞላትም ወደ ትምህርት ቤት ወሰዳት። ከአንደኛ ክፍል ጀምሮ እስከ ማስተርስ ዲግሪዋ ድረስ ለአማካይ ሁለት አሥርት ዓመታት ያህል በየቀኑ አዝሎ ወደ ትምህርት ቤትና ኮሌጅ ያመላልሳት ነበር።

ዛሬ ሺቫኒ በንግድ ዘርፍ (Master of Commerce) በ90% ከፍተኛ ውጤት ማስተርሷን ይዛለች። የአባቷ ብቸኛ ምኞት አሁን በጥሩ ሥራ ላይ ተቀጥራ በራሷ እግር ቆማ ማየት ብቻ ነው። 🙏 እሱ የአካሏ ድክመት የወደፊት ዕጣ ፈንታዋን እንዲወስን ፈጽሞ አልፈቀደም
@ራስን መለወጥ