Mufasa

Алламжонов Жорж Вашингтон университети президенти билан учрашди

Президент администрациясининг АҚШдаги вакили Комил Алламжонов Жорж Вашингтон университети Маслаҳат кенгаши йиғилишида иштирок этди.

Университет президенти Эллен Гранберг билан сунъий интеллект даврида таълим қандай ўзгариши, олийгоҳнинг келажаги ва янги режалари ҳақида суҳбатлашган.

Комил Алламжонов ушбу нуфузли университет Маслаҳат кенгаши аъзоси ҳисобланади.

Япония билан 63 млн долларлик келишув

Тошкент вилоятининг Япониядаги бизнес-форумида 52 млн долларлик инвестиция ва 11 млн долларлик экспорт бўйича келишувларга эришилди.

Вилоят ҳокими Зойир Мирзаев 54 нафар япон ишбилармони билан алоҳида музокара ўтказди. Уларнинг 34 нафари вилоятга келиб, янги лойиҳаларни ўрганишини билдирган.

Менимча, асосий аҳамият рақамларда эмас. Япония каби талабчан бозорга кириш маҳаллий ишлаб чиқарувчилар учун янги имконият, сифат ва рақобат борасида эса жиддий тажриба мактаби.

Маҳалла яйловида мол боқиш — текин. Яйлов чиптаси эса мажбурий эмас

Яйловлар ҳақидаги қонун лойиҳаси бўйича депутат иккита асосий саволга жавоб берибди.

Уй атрофида мол боқсам, пул тўлайманми?

Йўқ. Лойиҳада жамоат яйлови тизими таклиф этиляпти. Аҳоли эҳтиёжидан келиб чиқиб, яйлов ерлари маҳаллага бепул ажратилади, аҳоли эса улардан текин фойдаланади: молини ўтлатади, зарур бўлса пичан ўради.

Унда “яйлов чиптаси” нима?

Бу қўшимча яйловга эҳтиёж сезганлар учун. Масалан, ҳудудингизда озуқа етарли бўлмаса, бошқа жойдаги бўш яйлов ё пичанзордан бир ой, икки ой ё мавсум давомида фойдаланишингиз мумкин. Бу мажбурий эмас, фақат эҳтиёж бўлса мурожаат қилинади.

Ижара асосида ер олган хўжаликларнинг мавжуд ҳуқуқлариям бекор қилинмайди.

Қонун лойиҳасини иккинчи ўқишга тайёрлашда ҳар бир норма аҳоли манфаатларини инобатга олган ҳолда кўриб чиқилади.