Ministry of Revenues of Ethiopia/የገቢዎች ሚኒስቴር

ገቢ ለልማት» ጋዜጣ

ህዳር 5/2019 ዓ.ም (የገቢዎች ሚኒስቴር)

ውድ የገቢ ለልማት ጋዜጣ አንባቢዎች፤ እንደተለመደው «ገቢ ለልማት» ጋዜጣ ቁጥር 201 ብዙ ጠቃሚ መልዕክቶችን ይዞ ቀርቧል፡፡ ያንብቡት ብዙ ቁም ነገር ይገበዩበታል፡፡

የተከበራችሁ የጋዜጣችን አንባቢዎች በገቢ ለልማት ቁጥር 202 ይዘን እንድንቀርብ የምትፈልጉት ርዕሰ ጉዳይ ካለ በ011-617-84 90 (2133) ማሳወቅ የምትችሉ መሆኑን እንገልጻለን፡፡

ጋዜጣውን ለማግኘት የሚከተለው ሊንክ ይጫኑ፡-https://shorturl.at/AC21X

“ግብር ከፋዮቻችንን ከመደገፍ እና የሚገጥሟቸውን ችግሮች ከመፍታት አንጻር ውጤት አምጥተናል”
- አቶ ሰለሞን ደርቤ (የአዳማ ቅርንጫፍ ጽ/ቤት ስራ አስኪያጅ)

ሕዳር 4/2019 ዓ.ም (የገቢዎች ሚኒስቴር)

በገቢዎች ሚኒስቴር የአዳማ ቅርንጫፍ ጽ/ቤት ግብር ከፋዮቹን የስራ ቦታቸው ድረስ በመሄድ ከመደገፍ እና ግብርን በተመለከተ የሚገጥሟቸውን ችግሮች ከመፍታት አንጻር የሰራቸው ስራዎች ጥሩ ውጤት ማምጣታቸውን የቅርንጫፍ ጽ/ቤቱ ስራ አስኪያጅ አቶ ሰለሞን ደርቤ ገለጹ።

ከግብር ከፋዮች ጋር በመቀራረብ የክትትልና ድጋፍ ስራዎችን መስራቱ ለጽ/ቤቱ ገቢ አሰባሰብ ስኬታማነት ከፍተኛውን ድርሻ እየተወጣ እንደሆነም ስራ አስኪያጁ ጠቁመዋል።

ቅርንጫፉ የ2019 በጀት ዓመት የመጀመሪያ አራት ወራት የገቢ አሰባሰብ አፈጻጸሙ አመርቂ መሆኑን የጠቆሙት አቶ ሰለሞን፤ 4.49 ቢሊየን ብር ለመሰብሰብ አቅዶ 4.47 ቢሊየን ብር መሰብሰብ መቻሉን ገልጸዋል።

አክለውም ግብር ከፋዮች የታክስ አዋጆች፣ መመሪያዎች እና አሰራሮች ላይ ያላቸውን እውቀት ለማሳደግ ሰፊ የግንዛቤ ማስጨበጫ ስራዎችን አጠናክሮ መስራት መቀጠሉን ተናግረዋል።

ጽ/ቤቱ በቀጣይ 8 ወራትም ከግብር ከፋዮች ጋር ያለውን ግንኙነት ይበልጥ በማጠናከር እና በላቀ ቴክኖሎጂ የዘመነ አገልግሎት በመስጠት ከእቅድ በላይ ለመፈጸም ይሰራል ብለዋል።

የግብር ሒሳብ መዝገብ አያያዝን ለማሻሻል በተዘጋጀው ረቂቅ መመሪያ ላይ ውይይት ተካሄደ

ሕዳር 4/2019 ዓ.ም (የገቢዎች ሚኒስቴር)

የገቢዎች ሚኒስቴር የግብር ሒሳብ መዝገብ አያያዝን ለማሻሻልና ከወቅቱ የኢኮኖሚ እንቅስቃሴ ጋር ለማጣጣም በተዘጋጀው ረቂቅ መመሪያ ላይ ከተለያዩ የተቋሙ አመራሮችና ባለሙያዎች ጋር ውይይት አካሂዷል።

በውይይቱ መድረክ ላይ ተገኝተው ውይይቱን ያስጀመሩት የታክስ ኦፕሬሽን ዘርፍ ሚኒስትር ዴኤታ ዶ/ር ታምራት በየነ፣ መመሪያዎች ጸድቀው ወደ ሥራ ከመግባታቸው በፊት ጉዳዩ ከሚመለከታቸው አካላት ጋር መወያየት ጠቃሚ ግብዓቶችን ለማካተተ ይረዳል ያሉ ሲሆን በተለይም ግልጽነት የሰፈነበት የአሠራር ሥርዓት ለመዘርጋት እንደሚያግዝ ተናግረወል።

በመድረኩ ረቂቅ መመሪያውን አሰመልክቶ ገለፃ ያደረጉት የሚኒስቴሩ የሕግ ዳይሬክተር አቶ አበረ አስፋው ፣ የሒሳብ መዝገብ አያያዝ መመሪያው በሥራ ላይ ከዋለበት ጊዜ ጀምሮ የታዩ ለውጦችንና ወቅቱ የሚጠይቀውን የአሠራር ለውጥ ታሳቢ ባደረገ መልኩ መመሪያውን የማሻሻል ሥራ እየተከናወነ እንደሚገኝ ገልጸዋል።

አክለውም የታክስ አስተዳደር ሥርዓቱን ከወቅቱ የቢዝነስ ተለዋዋጭ ሁኔታዎች ጋር ለማጣጣም፣ በአሠራር ላይ የሚታዩ ችግሮችን ለመቅረፍና መመሪያው ግልጽ እንዲሆን በማሰብ ረቂቅ መመሪያው ተዘጋጅቶ በየደረጃው ውይይት እየተደረገበት ይገኛል ብለዋል።

ረቂቅ መመሪያውን በዝርዝር ያቀረቡት የሕግ ባለሙያ አቶ ቢኒያም ስዩም ሲሆኑ፣ በሰነዱ ላይ የተለያዩ የማሻሻያ ሀሳቦች ተነስተው ውይይት ተደርጓል።

በምክክር መድረኩ ከሚኒስቴሩ ዋና መሥሪያ ቤት ዳይሬክተሮችና አማካሪዎች፣ ከቅርንጫፍ ጽሕፈት ቤቶች የተውጣጡ ፣ ሥራ አስኪያጆችና ከፍተኛ የሕግ ባለሙያዎች ተሳትፈዋል።

በታደሰ ኢብሳ
ፎቶ፡- ክፍሌ አዳፍሬ