Беларускі геймер

🫠 Сёняшняе звальненне СEO NVIDIA Джэнсэна Хуанга выклікала абвал акцый усяго амерыканскага BigTech

Нагадаю, што да гэтага прывялі "рамантычныя скандалы" Джэнсэна Хуанга. Пазашлюбныя зносіны з падазраванай у шпіянажы на Кітай дырэктаркай кампаніі-партнёркі NVIDIA, а таксама такога ж плана зносіны з супрацоўніцай самой NVIDIA балюча ўдарылі па фінансаваму становішчу амерыканскай кампаніі. Толькі за сёння акцыі NVIDIA патаннелі на 14% да 150$ за акцыю. Акцыі ўсіх астатніх кампаній BigTech таксама паляцелі ўслед.

Сёння топ-мэнэджар пакінуў не толькі пасаду кіраўніка карпарацыі, але і рады дырэктароў. Кіраваць кампаніяй часова будзе Калет Крэс - цяперашняя выканаўчая віцэ-прэзідэнтка і фінансавая дырэктарка. Да назначэння пераемніка яна будзе сумяшчаць усе тры пасады.

Хуанг кіраваў тэхналагічнай кампаніяй з дня яе заснавання ў 1993 годзе.

⚡️Хвілінка навінаў гульняў зь беларускай мовай

1. Інды-праэкт Shadow Busіness пра мафію атрымае беларускую лакалізацыю.

Shadow Busіness гэта аднакарыстальніцкі крымінальны аўтабатлер. У цэнтры супрацьстаяньня ваша бандыцкая групоўка супраць іншай. Разьмяшчайце сваіх людзей на лініях і назірайце, як яны прарываюць варожыя рады. Зьнішчыце лімузын канкурэнтаў, пакуль не прыбыла паліцыя!

Выхад гульні заплянаваны на 2027 год.

2. The Regreenіng — вельмі прыгожы, утульны праэкт-сімулятар ад каманды Posіtіve Іmpact Games — выходзіць ужо 7-га сьнежня.

Сейце насеньне, адраджайце прыроду, пасябруйце з духамі зямлі. У вашым кутку ўсё можа атрымаць новае жыцьцё. Ці зможаце вы аднавіць свой шчасьлівы дом у гэтым закінутым сьвеце?

У Steam даступна дэмка гульні.

3. Апакаліптычны вестэрн Guns of Eschaton у жанры soulslіke выходзіць 8-га сьнежня.

Вывучайце сваіх ворагаў, беражыце боепрыпасы, выкоўвайце свой стыль з дапамогай пораху й малітвы. «Адзін ці ў каапэратыве, стралок, ідзі на Захад — і памры разам з гэтай зямлёй».

Таксама даступна дэмка гульні.

❗️Нагадаем вам пра магчымасьць і неабходнасьць пісаць звароты ў тэхпадтрымку Steam аб дадаваньні беларускай мовы ў выбар моваў водгукаў на гульні, а таксама сам інтэрфэйс Steam. Больш падрабязна можна азнаёміцца тут. Заклікаем зьвяртацца ў падтрымку Steam ня толькі геймераў, але й распрацоўшчыкаў гульняў. Ваш зварот ня менш важны (а можа й больш), чым звароты звычайных гульцоў.

— З табой будзе мой меч!
— І мой лук!
— І мой «Дапаможнік»!

Прадстаўляем вашай увазе чарговае абнаўленне «Дапаможніка для перакладчыкаў фэнтэзі» — гэтым разам быў дададзены новы раздзел пра даспехі (пакуль толькі самы базавы спіс для D&D, які ў далейшым, вядома, будзе пашырацца) і крыху дапоўнены ўжо існуючыя.

Таксама нам вельмі прыемна бачыць, што перакладчыкі ўжо выкарыстоўваюць на практыцы наш «Дапаможнік» у сваіх лакалізацыях, а значыць, і нашая праца не была марнай.

Як і раней, падтрымаць працу над «Дапаможнікам» можна праз Patreon.