Типшӗм рулит

Ясар майра,
Пӗҫҫи ҫара,
Каллех ҫӗнӗ "енчӗк" ҫумра.
Кашни каҫах
Тӗрлӗ клубра,
Вӗҫсӗр уяв ун пурнӑҫра.

Аскӑн майра,
Хӑй те,ара,
Бутикри хаклӑ кӗпе пек.
Кам тӳлеет,
Нухрат ҫитет,
Ҫавӑнпа вӑхӑт ирттерет.

Пӗрмай чатра,
Е шопингра.
Сидни Суини пек чисти.
Арсем курсан
Каяҫ ӑсран,
Пыл сӗрнӗ тейӗн вӗт ....(рифмине хӑв шутласа туп.)🤨

Хыт сӑрланнӑ.
Тюнингланнӑ,
Пӗтӗмпех стразӑ ӑшӗнче.
Намӑс-симӗс
Мӗнне маннӑ,
Шухӑ пурнать ҫак ҫӗр ҫинче.

Ирпе килет,
Ыйха ҫапать,
Каҫпа движуха пуҫланать.
Хӑйӗн хакне
Аван пӗлет,
Мучи те ҫаврӑнса пӑхать.

Ан ятлаҫӑр!
Ан ылханӑр.
Вӑл простӑ пурӑнма пӗлет.
Савса пӑхӑр,
Уншӑн савнӑр,
-Зендеяран вӗт ирттерет.

Ылтӑн ҫӗрӗ,
Ылтӑн сехет.
Ҫӗн джиппа ҫех шӑлса ҫӳрет.
Лӗпӗш пекех
Ҫӳллӗ вӗҫет.
Арҫынсене пит килӗшет.
10.11.2026
Шупашкар
Типшӗм Сашук

Икӗ Саша.
Тата пирӗн папарацци.🤨