Sharqshunoslik universiteti talabalaridan murojaat kelibdi. Avvalo, yoritish kerakmi, yo‘qmi, ancha ikkilandim. Har holda, nozik mavzu. Ammo universitet rahbariyati shu nozik muammoni hal qilmay, uni talabalar qayergadir murojaat sifatida yozadigan darajaga olib kelgan ekan, demak, yozsam xato bo‘lmas.
Adashmasam, universitetga yaqinda yangi rektor tayinlandi — Saodat Nosirova. Ehtimol, u va nihoyat, o‘tmishdoshi hal qilolmay ketgan muammoni hal etar. Sharqshunoslik universitetidagi ta’lim islohotlarini hojatxonadan boshlar:)
Jiddiy aytganda esa, universitet talabalardan kontrakt pullarini aniq qilib sanab olarkan, ular uchun qulay sharoitni ham qilib qo‘yishi kerak, majbur bunga. Murojaat egasi ham aslida rahbarlar kabineti ichidagi kabi qimmat hojatxona so‘ramayapti. Shunchaki, ular sonini ko‘paytirib, sharoitini yaxshilab qo‘yishsin, navbatlardan hatto darslarga ulgurmayapmiz, deyapti.
Keyin, birlashgan Ta’lim vazirligi bir tekshiruv o’tkazishi kerakdir: bu boshqa universitetlarda ham katta muammo emasmi? Hojatxonalar soni hamma joyda ham talabalar soniga mosmi, sharoitlari yetarlimi?
Murojaat egasi chindan jiddiy muammoni ko‘targan, o’rtoq rektorlar. Yigitlarki, shu muammo haqida yozayotgan ekan, xotin-qizlar sog’lig’idan ayniqsa xavotir olishlaring kerak.
Ko’tarilgan masala uchun uzr yana bir bor.
@haqiqatdailyos
Новый список