ትምህርታዊ መረጃ™

#Update

የመውጫ ፈተና የአጋማሽ ዓመት #በድጋሜ_ተፈታኞች የምዝገባ ጊዜ ከህዳር 11-17/2019 ዓ.ም ይከናወናል።

የትምህርት ምዘናና ፈተናዎች አገልግሎት የ2019 ዓ.ም የከፍተኛ ትምህርት የመውጫ እና የመግቢያ ፈተናዎች የሚሰጡባቸውን ጊዜያት አረጋግጧል።

በዚህም፣ የመንግሥት ከፍተኛ ትምህርት ተቋማት የመውጫ ፈተና ተፈታኞች የምዝገባ ጊዜ ከህዳር 04-10/2019 ዓ.ም መሆኑ ታውቋል።

የግል ተቋማት እና በድጋሚ ተፈታኞች የመውጫ ፈተና የአጋማሽ ዓመት የምዝገባ ጊዜ ከህዳር 11-17/2019 ዓ.ም ይከናወናል።

የድህረ-ምረቃ ፕሮግራም የመግቢያ ፈተና (NGAT) የምዝገባ ጊዜ ከህዳር 10-30/2019 ዓ.ም ይከናወናል።

የአጋማሽ ዓመቱ የመውጫ እና የመግቢያ ፈተናዎች ተፈታኞች ምዝገባ በራስ-አገዝ የምዝገባ ሥርዓት (Self-Registration System) የሚከናወን መሆኑን አገልገሎቱ አሳውቋል።

ሁሉም ተቋማት ተፈታኞቻቸውን በተያዘው የጊዜ ሰሌዳ መሠረት ለማስመዝገብ የቅድመ ዝግጅት ሥራዎቻቸውን እንዲያጠናቅቁ፥ ፈተናዎቹን ለሚያስፈትኑ ሁሉም የከፍተኛ ትምህርት ተቋማት በዛሬው ዕለት በጻፈው ሰርኩላር አሳስቧል።

ለምዝገባ የሚከፈለው ክፍያም በቅርቡ በሚኒስትሮች ምክር ቤት ተሻሽሎ በፀደቀው የክፍያ ተመን መሠረት እንደሆነ ተገልጿል።

ትምህርታዊ መረጃ™ ✅

✅ ተጨማሪ ትምህርታዊ መረጃ ለማግኘት ቻናላችን ይቀላቀሉ

🔻https://t.me/Tmhrt_Ministers
🔻https://t.me/Tmhrt_Ministers

የኢትዮጵያ የግል ከፍተኛ ትምህርት እና የቴክኒክና ሙያ ትምህርትና ስልጠና ተቋማት ማኅበር መደበኛ ጠቅላላ ጉባዔውን አካሒዷል።

ማኅበሩ ጉባዔውን አባል ተቋማት፣ አጋር አካላት እና የመንግሥት ተወካዮች በተገኙበት አከናውኗል።

የግል ትምህርት ዘርፉ ያለበትን ፈተናዎች ለመቅረፍ ጠንካራ ማኅበር መፍጠርና ከመንግሥት አካላት ጋር ተቀራርቦ መስራት አስፈላጊ እንደሆነ በጉባዔው ተገልጿል።

ጉባዔው የ2018 ዓ.ም የማኅበሩ የፋይናንስ ኦዲት ሪፖርት በውጭ ኦዲተር የቀረበ ሲሆን፣ የ2018 ዓ.ም የዕቅድ አፈጻጸም ሪፖርት፣ የ2019 ዓ.ም የማኅበሩ ዓመታዊ ዕቅድ እና የማኅበሩ መተዳደሪያ ደንብ ማሻሻያ ረቂቅ ቀርበው ፀድቀዋል።

"የግል ከፍተኛ ትምህርትና ቴክኒክና ሙያ ትምህርት ስልጠና ዘርፍ ከየት ወዴት" በሚል ጭብጥ ላይ የመወያያ ሰነድ በማኅበሩ ፕሬዝዳንት ሞላ ጸጋይ (ዶ/ር) ቀርቦ ውይይት ተደርጎበታል።

ትምህርታዊ መረጃ™ ✅

✅ ተጨማሪ ትምህርታዊ መረጃ ለማግኘት ቻናላችን ይቀላቀሉ

🔻https://t.me/Tmhrt_Ministers
🔻https://t.me/Tmhrt_Ministers

11ኛው ሀገር አቀፍ የሳይንስና የፈጠራ ሥራዎች ውድድር እና አውደ ርዕይ በአዲስ አበባ ሳይንስና ቴክኖሎጂ ዩኒቨርሲቲ ተከፍቷል።

እስከ ረቡዕ ህዳር 2/2019 ዓ.ም በሚቆየው አውደ ርዕይ፣ በተማሪዎች እና በመምህራን የተሠሩ የተለያዩ የፈጠራ ሥራዎች ይቀርባሉ።

‎በትምህርት ሚኒስቴር እና በተባባሪ አካላት ትብብር ለ11ኛ ጊዜ በሚካሔደው የፈጠራ ሥራዎች ከ2ኛ ደረጃ ትምህርት ቤቶች፣ ከቴክኒክና ሙያ ተቋማት እንዲሁም ከዩኒቨርሲቲዎች የተውጣጡ ተማሪዎች እና መምህራን የፈጠራ ሥራዎቻቸውንና ፕሮጀክቶቻቸውን እንደሚያቀርቡ ተገልጿል።

‎ትምህርታዊ መረጃ™ ✅

✅ ተጨማሪ ትምህርታዊ መረጃ ለማግኘት ቻናላችን ይቀላቀሉ

🔻https://t.me/Tmhrt_Ministers
🔻https://t.me/Tmhrt_Ministers