Bugun Oliy sudda O'zbekiston ayol sudyalar assosiatsiyasi hamda Sudyalar oliy kengashi hamkorligida «Bolalarni zo'ravonlikning barcha shakllaridan himoya qilish tizimini takomillashtirish: yangi qonun normalari va ularni amaliyotga joriy etish masalalari» mavzusida davra suhbati o'tkazildi.Tadbirdaning asosiy maqsadi bolalarni zo'ravonlikning barcha shakllaridan himoya qilishga qaratilgan qonunchilikdagi yangiliklarning mazmun-mohiyatini keng muhokama qilish, yangi huquqiy normalarni amaliyotga samarali tatbiq etish masalalarini ko'rib chiqish hamda mas'ul tashkilotlar o'rtasidagi hamkorlikni mustahkamlashdan iborat bo'ldi.
Davra suhbatida davlat organlari, sudyalar hamjamiyati, xalqaro tashkilotlar, prokuratura, advokatura, ta'lim va ijtimoiy himoya sohalari vakillari ishtirok etdi.
Ishtirokchilar zo'ravonlikdan jabrlangan yoki unga guvoh bo'lgan bolalarga davlat hisobidan yuridik yordam ko'rsatish, tergov va sud jarayonlarida ularning manfaatlari hamda xavfsizligini ta'minlash masalalariga to'xtalib o'tdilar.
Tadbir yakunida ochiq muhokama va savol-javoblar tashkil etilib, yangi qonun normalarini amaliyotga tatbiq etishda yuzaga kelishi mumkin bo'lgan muammolar, idoralararo hamkorlikni takomillashtirish va mavjud huquqiy mexanizmlar samaradorligini oshirish yuzasidan fikr va takliflar bildirildi.
Davra suhbati bolalarni zo'ravonlikning barcha shakllaridan himoya qilishda qonunchilik normalarini to'g'ri va samarali qo'llash, bolalarga do'stona odil sudlov tamoyillarini mustahkamlash hamda bu yo'nalishda mas'ul tashkilotlar hamkorligini rivojlantirishga qaratilgan muhim muloqot maydoni bo'ldi.
Veb-sayt I
Telegram I
Facebook I
Instagram I
YouTube
Новый список