AKADEMIK BURCHAK

Obidjon Xamidov: BuxDUdagi 7 yil 7 oy yakunlari

Obidjon Xamidov boshqa vazifaga o‘tishi munosabati bilan Buxoro davlat universiteti rektori sifatidagi faoliyatini yakunladi. U jamoaga yo‘llagan murojaatida quyidagi natijalarni qayd etdi:

🔹 Ilmiy salohiyat 67,6 foizga yetdi. Universitet jamoasiga 120 nafardan ortiq yosh mutaxassis va magistratura bitiruvchisi qo‘shildi.

🔹 So‘nggi 5 yilda Scopus bazasidagi jurnallarda 1 347 ta maqola chop etildi. 2026-yilning dastlabki 10 oyida esa Scopus va Web of Science bazalaridagi jurnallarda 474 ta maqola e’lon qilindi.

🔹 9 ta bakalavriat va 7 ta magistratura dasturi Germaniyaning ACQUIN xalqaro akkreditatsiyasidan o‘tdi. Turizm va mehmondo‘stlik dasturlari UNWTO TedQual sertifikatini oldi.

🔹 1 200 nafardan ortiq talaba 10 ta yo‘nalishda o‘qishni ishlab chiqarishdagi amaliyot bilan birga olib bordi.

Xamidov bu natijalarni butun BuxDU jamoasining mehnati deb baholab, ustozlar, xodimlar va talabalarga minnatdorlik bildirdi.

📍@akademik_burchak da bo‘ling 🛋

⚖️ Меҳнат кодексига ўзгартиришлар: камситиш ва шаҳвоний шилқимликка қарши янги нормалар

Президент 2026 йил 13 ноябрда № ЎРҚ–1189-сонли Қонунни имзолади. Қонун Ҳалқаро меҳнат ташкилоти конвенциялари қоидаларини миллий қонунчиликка жорий этиш мақсадида қабул қилинди.

📌 Нималар ўзгарди?

🔹 1. Камситиш белгилари кенгайди
Меҳнат кодексининг 4-моддасига иккита янги белги қўшилди: терисининг ранги ва сиёсий қарашлари. Энди бу белгилар бўйича меҳнат ва машғулотлар соҳасида фарқлаш камситиш ҳисобланади.

💬 Мисоллар:
— Иш берувчи номзодни терисининг ранги туфайли ишга олмаса, бу камситиш бўлади.
— Ходим ижтимоий тармоқда ўз сиёсий фикрини билдиргани учун лавозими туширилса ёки мукофотдан маҳрум қилинса, бу ҳам камситиш ҳисобланади.
— Ўқув курсига ёки малака оширишга қабул қилишда номзоднинг сиёсий қарашлари сўралса ва шу асосда рад этилса, бу ҳам қонунга зид.

🔹 2. Янги 8¹-модда: шаҳвоний шилқимликка йўл қўйилмайди
Шахснинг шаъни ва қадр-қимматини таҳқирлайдиган, у учун номақбул бўлган шаҳвоний хусусиятдаги ҳаракатлар шилқимлик деб тан олинади.
💬 Мисоллар:
— Ташқи қиёфани тавсифлаш: ҳамкасбнинг кийими ёки қадди-қомати ҳақида ноўрин, шаҳвоний мазмундаги изоҳлар бериш.
— Имо-ишора: ходимга қараб ноўрин ишоралар қилиш ёки шундай мазмундаги расм-хабарлар юбориш.
— Тегиниш: ходимнинг розилигисиз унга “тасодифан” ёки атайлаб тегиниш.
— Чақириш: раҳбарнинг “иш соатидан кейин ресторанга бирга борсак, лавозимингизни ошираман” каби таклифлар қилиши.

🔹 3. Иш берувчининг янги мажбурияти
Иш берувчи меҳнат жамоасида шаҳвоний шилқимликдан холи муҳит яратиш учун барча зарур чораларни кўриши шарт.
💬 Мисоллар:
— Ички тартиб қоидаларига шилқимликни тақиқловчи бандларни киритиш.
— Ходимлар шикоят қилиши учун махфий канал (масалан, ишонч телефони ёки электрон почта) ташкил этиш.
— Ходимлар учун тушунтириш тренинглари ўтказиш.
— Ҳар бир шикоятни ўз вақтида ва холис кўриб чиқиш.

📅 Қонун расмий эълон қилинган кундан эътиборан кучга киради.

📍@akademik_burchak 🛋

🔬 ILMIY TADQIQOTDAGI ENG XAVFLI XATO — TEKSHIRILMAGAN FAKTGA ISHONISH!

Bugun ilmiy ma’lumot topish osonlashdi. Ammo ma’lumotning mavjudligi uning to‘g‘riligini anglatmaydi.

🎓 Ilmiy tadqiqotda Fact-checking — faktlar, statistik raqamlar, iqtiboslar va ilmiy xulosalarni ishonchli manbalar asosida tekshirishdir.

📌 Nega bu muhim?
🔹 Aniqlik — bitta noto‘g‘ri raqam butun tadqiqot xulosasini o‘zgartirishi mumkin.
🔹 Ishonchlilik — ilmiy obro‘ maqolalar soni bilan emas, dalillarning sifati bilan ham belgilanadi.
🔹 Akademik halollik — har bir keltirilgan ma’lumot uchun muallif javobgardir.
🔹 Ilmiy taraqqiyot — yangi bilimlar faqat ishonchli dalillar asosida rivojlanadi.

⚠️ AI DAVRIDA BU YANADA MUHIM!

ChatGPT va boshqa AI vositalari mavjud bo‘lmagan maqolalar, noto‘g‘ri statistik raqamlar va soxta iqtiboslarni ham ishonchli ko‘rinishda taqdim etishi mumkin.
Shuning uchun har bir tadqiqotchi o‘ziga uchta savol berishi kerak:
Bu ma’lumotning asl manbasi qayerda?
Manba haqiqatan shu fikrni tasdiqlaydimi?
Ma’lumot ilmiy jihatdan ishonchlimi?

💡 Unutmang: ilm-fanda chiroyli yozilgan fikr emas, dalil bilan tasdiqlangan xulosa qadrlanadi!

📍@akademik_burchak da bo‘ling 🛋