Аланты Ныхас

🥀 Абон 89 азы сæххæст уыдаид Уæрæсейы адæмон артисткæ Билаонты Долоресыл.

Цæргæбонты фæлæггад кодта, æгæрон уарзтæй цы аивад уарзта, уымæн. Йæ хъæлæсы мыртæ уацары истой адæймаджы, чи зоны, уымæн æй нæ бæстæйы сæйраг сценæтæм дæр хуыдтой.

Фæлæ Ирыстоныл йæ зæрдæ нæ сивта. “Аивад хъуамæ алы коммæ дæр хæццæ кæна”, зæгъгæ, ма æнæхъæн концерт дæр радта иунæг фыййауæн хæххон хъæуы клубы.

Уыцы цау баззад историйы, уыцы цау #Йæрæстæгыл æрымысыд Долоресы хо Азимова-Билаонты Элеонорæ дæр.

⚜ Подписывайтесь на irystonTV / 💜 Мы в MAX / Проголосовать за канал

Хадыхъаты Азӕмӕт ӕмӕ йӕ хадивӕг Дзекъойты Юрийыфембӕлд
АН-ы Ӕрӕфы районы хайады Советы уӕнгтимӕЦыколайы.
 Ирыстоны, Цӕгатӕй Хуссармӕ, ӕхсӕнадон Змӕлды ӕппӕт архайджытӕн, Ныхасы разамындӕн сӕ куыст басту адӕмы цардимӕ, ирондзинадимӕ: ӕгъдау, ӕвзаг,хъомылад, ӕмӕ иудзинад.
Ӕппӕт ацы райхалинаг фӕрстытыл цыдис ныхас Цыколайы, 9-ӕм ноябры. Ӕрӕфы районы хайады сӕрдар Гуӕцӕлты Агубе ӕрбамбырд кодта хӕстӕг хъӕутӕй Змӕлды активон архайджыты. Сӕ ныхас баст уыдис уӕлдӕр бӕрӕггонд зынгӕ фӕрстытимӕ.
Дзекъойты Юри, Змӕлды Координацион Советы сӕрдары хӕдивӕг, цыбырӕй радзырдта Хадыхъаты Азӕмӕты тыххӕй - куыд адӕймаг, куыд фӕлтӕрдджын кусӕг. Загъта, зӕгъгӕ, Змӕлды сӕргълӕууӕгӕн, абон йестырдӕр мӕт баст у Ирыстоны рӕзгӕ фӕлтӕримӕ. Фӕнды йӕ ахадгӕ ӕргом аздахын фӕсивӕды хъомылады’рдӕм, сӕ бӕрцвылдӕрмӕ, ирон ӕгъдау ӕмӕ мадӕлон ӕвзаджы уавӕр фӕхуыздӕры фӕрстытӕм.
Ӕхсӕрысӕрӕй Дзидзойты Тасолтан, Хӕзныдонӕй -Чибиты Олег, Цыколайӕ Гуӕцӕлты Агубе, ХуасдзаутыТазрет ӕмӕ хъӕуы хицау Гасанты Мурат арфӕ ракодтой Хадыхъаты Азӕмӕтӕн, цӕмӕй йын адӕмы хорзӕн бирӕ ӕнтыса йӕ ног куысты бынаты.
Змӕлды активон архайӕг Махъоты Алик радзырдта куыд хъуамӕ ахада Ныхасы хистӕрты зонд ӕмӕ ныфс рӕзгӕ фӕлтӕрты хъомыладыл скъолаты, уыимӕ, мадӕлон ӕвзаг зонын ӕмӕ ахуыр кӕныныл. Ацы хъуыддӕгтӕ иууылдӕр баст сты Аланты Ныхасы архайдимӕ абон ӕмӕ сом.
Сырх-Дыгурӕй Мӕрзойты Олег бӕлвырдӕй дзырдта, цӕмӕй, уӕддӕр къуыри иу хатт, хистӕртӕ цӕуой скъоламӕ, сӕхицӕн ӕй хӕсыл нымайгӕйӕ.
Астӕуккаг Урухӕй Баймӕтаты Эммӕ, Лескенӕй Хидирти Валери дзырд ой мадӕлон ӕвзагыл хӕдзары, уынджыӕппындӕр кӕй нӕ дзурӕм, уыцы райхалинаг фӕрстытыл. Стӕй адӕмы бастдзинады алы фӕзилӕнты тыххӕй дӕр.Ныхас та хъуамӕ бӕтта адӕмы къухдариуӕггӕнджытимӕ.
Хъаирты Алан (муфтиаты минӕвар) дӕр разы уыдис иннӕтимӕ, фӕлӕ ма загъта Змӕлды эмблемӕйы тыххӕй – кӕй не ’вдисы ӕххӕстӕй нӕ адӕмы истори.
Фӕстагмӕ ныхасы бар радтой Хадыхъаты Азӕмӕтӕн. Уый зӕрдиагӕй раарфӕ кодта ӕмбырдмӕ ӕрцӕуӕгадӕмӕн. Лӕмбынӕг хъусгӕйӕ, иттӕг ӕхсызгонӕй бафиппайдта уазалцӕстӕй иунӕг дӕр кӕй нӕ кӕсы ӕхсӕнады цы хъуагдзинӕдтӕ ис, уыдонмӕ. Стӕй Ӕгъдау, ӕфсарм, уӕздандзинад нӕ адӕммӕ бӕрзонд ӕвӕрд кӕйсты.
Фидарӕй загъта, зӕгъгӕ, абон паддзахадон ӕвзӕгты Закъон ист кӕм ӕрцыдис, уым, ӕнӕмӕнг, ныртӕккӕ кусын хъӕуы Закъоны фӕлгӕты, куыд ӕмӕ цы ’мбӕлы, уый ӕххӕстӕй цӕфыл кӕнын. Азӕмӕт зӕрдӕ бавӕрдта ӕмбырды архайджытӕн: нӕ бон иумӕйагӕй аразын цы уа, уый, ӕнӕмӕнгӕй, кӕндзыстӕм, цы райхалинаг фарстыл нӕ цӕуа нӕ бон, уый та ӕвӕрдзыстӕм хицауадыраз ӕнӕ къуылымпытӕй.

Уримӕгты Людмилӕ,
КС-ы бӕрнон нымӕрдар