Savdo-sanoat palatasi

«Ишбилармон аёллар» II Республика форуми: тадбиркорликда янги имкониятлар ва ҳамкорлик

Мамлакатимизда хотин-қизларнинг иқтисодий фаоллигини ошириш, уларнинг тадбиркорлик ташаббусларини қўллаб-қувватлаш ва бизнесдаги имкониятларини кенгайтириш масалаларига бағишланган «Ишбилармон аёллар» II Республика форуми бўлиб ўтди.

🏦 19 ноябрь — Халқаро тадбиркор аёллар куни муносабати билан ташкил этилган форумда Савдо-саноат палатаси, Оила ва хотин-қизлар қўмитаси, Олий Мажлис Қонунчилик палатаси, вазирлик ва идоралар, банк ҳамда жамоат ташкилотлари вакиллари, шунингдек, республиканинг турли ҳудудларидан 80 нафар тадбиркор аёл иштирок этди.

✔️ Форум доирасида Савдо-саноат палатаси раиси ўринбосари Шаҳло Ибрагимова нутқ сўзлаб, аёллар бизнесини ривожлантиришда амалий кўникмалар, бозор имкониятлари ва тадбиркорларни қўллаб-қувватлаш механизмларининг аҳамиятига тўхталди.

Мулоқот давомида аёллар ва оилавий тадбиркорликни молиялаштириш, қишлоқ жойларда фермерлик ва агробизнесни ривожлантириш, хотин-қизларнинг иқтисодий фаоллигини ошириш ҳамда тадбиркорлик соҳасидаги қонунчиликни такомиллаштириш масалалари муҳокама қилинди.

👍 Форумда ҳудудлардан келган фермер хўжаликлари, хусусий таълим муассасалари, меҳмонхона ва ишлаб чиқариш корхоналари раҳбарлари ўз бизнес тажрибалари билан ўртоқлашиб, соҳадаги имкониятлар ва мавжуд муаммолар юзасидан фикр билдирдилар.

📔Тадбирнинг эътиборли жиҳатларидан бири — ЎзЛиДеПнинг «Халқ билан бирга» дастурида фаол иштирок этган 26 нафар тадбиркор аёлнинг «Фидойи тадбиркор» фахрий ёрлиғи билан тақдирлангани бўлди.

Форум нафақат тажриба алмашиш, балки янги ташаббусларни илгари суриш, ишбилармон аёллар ўртасида ҳамкорлик алоқаларини мустаҳкамлаш ва уларнинг бизнесдаги иштирокини янада кенгайтириш учун муҳим имконият яратди.

🕊Telegram 📱Instagram 📱Facebook 📺Youtube

#ОАВ_биз_ҳақимизда

Ўзбек уруғлари Афғонистон заминида ҳам юқори натижа берди

Бомиёнда 17 гектар майдонга экилган «Фонтане» навли картошкадан ҳар гектарига 40–45 тоннагача ҳосил олинди. Ҳосилнинг илк партияси Ўзбекистонга олиб келинди.

Батафсил лавҳада 💜

🕊Telegram 📱Instagram 📱Facebook 📺Youtube

БОМИЁНДА ЕТИШТИРИЛГАН КАРТОШКАНИНГ ИЛК ҲОСИЛИ ЎЗБЕКИСТОНГА ОЛИБ КЕЛИНДИ

🚛 Ўзбекистон ва Афғонистон ўртасида қишлоқ хўжалиги соҳасидаги амалий ҳамкорлик ўзининг дастлабки натижаларини бермоқда. Ўзбекистон Савдо-саноат палатаси ташаббуси билан Афғонистоннинг Бомиён вилоятида амалга оширилган қўшма лойиҳа доирасида етиштирилган картошканинг илк ҳосили Ўзбекистонга олиб келинди.

✅ Мазкур ҳамкорликка жорий йил май ойида старт берилган эди. Бомиён вилоятининг Шаҳидон, Фолоди ва марказий ҳудудларидаги жами 17 гектар майдонга Ўзбекистондан келтирилган юқори ҳосилли, экспортбоп ва қайта ишлашга мўлжалланган «Фонтане» навли картошка уруғлари экилганди.

Лойиҳа доирасида маҳаллий фермерлар билан биргаликда экиш, парваришлаш ва ҳосилни етиштириш ишлари ташкил этилди. Ўзбек мутахассислари томонидан экинлар ҳолати ва уруғлик сифати мунтазам ўрганиб борилди.

Натижада, Бомиён вилоятининг қулай табиий-иқлим шароити ва ўзбек уруғларининг сифати уйғунлиги ҳар бир гектардан 40–45 тоннагача картошка ҳосили олиш имконини берди.

Йиғиб олинган ҳосил белгиланган тартибда сараланиб, қадоқланди ва логистика ишлари ташкил этилган ҳолда Ўзбекистонга олиб келинди.

✅ Ушбу лойиҳа икки давлат ўртасидаги савдо-иқтисодий алоқаларни мустаҳкамлаш, Ўзбекистоннинг аграр тажрибаси ва уруғчилик салоҳиятини хорижда кенгайтириш, шунингдек, Афғонистоннинг мавжуд ер ресурсларидан самарали фойдаланиш борасидаги муҳим амалий қадамдир.

🕊Telegram 📱Instagram 📱Facebook 📺Youtube