sekktor | Магчымасці для культурных і творчых людзей Беларусі

👻 Mensch Maschine 2027 — 20 000 EUR і тры месяцы рэзідэнцыі

Akademie der Künste, арт-цэнтр E-WERK Luckenwalde, фонд E.ON і варшаўскі «Уяздоўскі замак» шукаюць праекты на стыку мастацтва, энергіі і экалогіі. Тэма 2027 года — «Energy Ghosts»: энергія не як тавар ці рэсурс, а як палітычная, экалагічная і нават духоўная сіла, за якой стаяць гісторыі здабычы, працы, каланіялізму, міфаў і магіі.

🎨 Падавацца могуць мастакі(-чкі) на раннім этапе кар'еры з усяго свету — індывідуальна або групай. Візуальнае мастацтва, перформанс, кіно, гук, літаратура, новыя медыя — строгай мяжы паміж мастацтвам, дызайнам і архітэктурай няма. Профільная адукацыя пажаданая, але не абавязковая.

💶 Стыпендыя: 20 000 EUR на ганарар і вытворчасць новага праекта, плюс майстэрня і жыллё ў Luckenwalde (40 хвілін ад Берліна) або жыллё ў Берліне, ментарства і куратарская падтрымка.

⏳ Ддл: 1 снежня, 23:59 CET.
🔗 Даведацца больш
📅 Дадаць у Google-каляндар

✦✦✦

🖥️ Шукаць рэзідэнцыі і стыпендыі на sekktor.online

「 Усе актыўныя магчымасці 」

навіны | магчымасці | чат | сайт
Instagram | Facebook | Падтрымаць!

Тры магчымасці для медыя і журналістыкі ад Creative Europe 📰

✦✦✦

NEWS – Journalism Partnerships 2027 — да 2,5 млн EUR на супрацу і плюралізм медыя

У конкурсу два кірункі. Collaborations — для кансорцыумаў мінімум з трох медыя і медыйных арганізацый з трох краін, якія разам шукаюць новыя мадэлі даходу, фарматы і стандарты. Pluralism — для арганізацый, якія запусцяць праграмы рэгрантынгу для мясцовых, незалежных і расследавальніцкіх медыя. Падаюцца юрыдычныя асобы з краін-удзельніц Creative Europe.
💰 Фінансаванне: Collaborations — да 2 000 000 EUR (грант пакрывае 80% выдаткаў), Pluralism — да 2 500 000 EUR (90% выдаткаў).

⏳ Ддл: 4 лютага 2027 года, 17:00 па Варшаве.
📅 Дадаць у Google-каляндар

💻 Шукаеце партнёраў? 2 снежня, 14:00–15:30 па Варшаве — бясплатная анлайн-сесія пітчынгу і пошуку партнёраў для тых, хто падаецца на гэты конкурс. Ладзяць Creative Europe Desks з 24 краін, у тым ліку Польшчы; мова — англійская. Праз форму можна дадаць свой праект у базу для пошуку партнёраў, а да 22 лістапада, 18:00, — падацца на пітчынг. Каб проста далучыцца, трэба зарэгістравацца ў Zoom.

✦✦✦

NEWS – Media Literacy 2027 — да 500 000 EUR на праекты медыяграматнасці

Грант для кансорцыумаў мінімум з трох арганізацый з трох краін-удзельніц Creative Europe. Ён ідзе на кампаніі, інструменты і навучанне, якія дапамагаюць людзям распазнаваць дэзынфармацыю і маніпуляцыі. Перавагу аддаюць праектам для дарослых па-за сістэмай адукацыі і для краін, дзе свабода медыя пад пагрозай.
💰 Фінансаванне: да 500 000 EUR на праект, грант пакрывае 70% выдаткаў.

⏳ Ддл: 20 студзеня 2027 года, 17:00 па Варшаве.
📅 Дадаць у Google-каляндар

✦✦✦

NEWS – Media Freedom Rapid Response Mechanism 2027 — грант на абарону свабоды медыя

Creative Europe шукае кансорцыум мінімум з дзвюх некамерцыйных, міжнародных або даследчых арганізацый з дзвюх краін праграмы. Ён створыць і будзе весці агульнаеўрапейскі механізм хуткага рэагавання: юрыдычная і практычная дапамога журналістам(-кам) пад пагрозай, маніторынг парушэнняў свабоды прэсы, адвакацыйныя місіі.
💰 Фінансаванне: агульны бюджэт — 3 000 000 EUR, без ліміту на праект; грант пакрывае 90% выдаткаў.

⏳ Ддл: 27 студзеня 2027 года, 17:00 па Варшаве.
📅 Дадаць у Google-каляндар

✦✦✦

🖥️ Шукаць магчымасці ў журналістыцы і медыя на sekktor.online

「 Усе актыўныя магчымасці 」

навіны | магчымасці | чат | сайт
Instagram | Facebook | Падтрымаць!

Дакументы, падаткі, легалізацыя: дзе бясплатна атрымаць кансультацыю ў Польшчы і Германіі

🇵🇱 Польшча — ADRA Polska

Фонды ADRA Polska і Right to Protection Poland у праекце «Most do Integracji – Silniejsi Razem» кансультуюць паўналетніх замежнікаў(-ц), якія легальна жывуць у Польшчы. Праект фінансуе польскі Фонд працы.

Юрыдычныя кансультацыі тычацца легалізацыі побыту і працы, працоўных правоў, сацыяльных выплат, падаткаў пры працаўладкаванні і настрыфікацыі дыпломаў. Кар'ерныя кансультацыі дапамагаюць з пошукам працы, CV і сумоўем. Асабіста — у шасці гарадах, анлайн — з усёй краіны. Пасля анкеты каманда праекта сама звяжацца і прапануе тэрмін. Пытанні — на lektoraty@adra.pl.

💡 Да 19 снежня разам з ZPPM Lewiatan ідуць афлайн варкшопы «Zrzeszanie się w Polsce»: 4 гадзіны, да 14 чалавек, па-польску або па-англійску. Фрылансерам(-кам) найбольш карысная тэма «Маркетынг і прадпрымальніцтва»: розніца паміж umowa zlecenie, umowa o dzieło і B2B, як дамаўляцца пра стаўку.

Расклад (горад — спасылка на запіс):
• Гданьск — 25 лістапада і 11 снежня: 10:00–14:00 маркетынг, 15:00–19:00 працоўныя правы
• Сасновец — 23 лістапада: 9:00–13:00 маркетынг, 14:00–18:00 працоўныя правы; 4 снежня: 10:00–14:00 маркетынг, 15:00–19:00 працоўныя правы
• Вроцлаў — 27 лістапада: 11:00–15:00 працоўныя правы, 16:00–20:00 швейна-тэкстыльная галіна; 2 снежня: 11:00–15:00 маркетынг, 16:00–20:00 працоўныя правы
• Праца ў ахове здароўя: Варшава — 17, 24 лістапада, 1 снежня; Чэнстахова — 20, 21 лістапада, 19 снежня; Катавіцы — 5, 12, 13 снежня

Анкета не гарантуе месца, можа быць рэзервовы спіс. Пытанні пра варкшопы — на warsztaty@modalewiatan.pl.

✦✦✦

🇩🇪 Германія — touring artists

touring artists — нямецкі цэнтр па мабільнасці мастакоў(-чак) усіх дысцыплін, яго ладзяць ITI Germany, IGBK і Dachverband Tanz.

Бясплатныя кансультацыі праходзяць па email, тэлефоне або анлайн, на англійскай, нямецкай ці турэцкай. Яны для тых, хто нядаўна пераехаў у Германію, едзе з праектам у Германію або з Германіі за мяжу, а таксама для арганізатараў(-ак), якія запрашаюць замежных артыстаў(-ак). Тэмы — візы і від на жыхарства, падаткі, сацыяльнае страхаванне, кантракты, мытня, фінансаванне мабільнасці. *️⃣З заяўкамі ў Künstlersozialkasse (KSK) — фонд сацыяльнага страхавання творцаў — не дапамагаюць. Запісацца можна на beratung@touring-artists.info або праз форму.

📄 На сайце ёсць даведнік па візах, падатках, страхоўках, аўтарскім праве і мытні, раздзел New in Germany для музыкі, візуальных і перфарматыўных мастацтваў, база фінансавання, калькулятар падаткаў, узоры дакументаў і відэатуторыялы. Друкаваны даведнік можна замовіць бясплатна.

💡 Падзеі:
• 13 лістапада — дзень варкшопаў для візуальных мастакоў(-чак) у Künstlerhaus Bethanien у Берліне: фінансаванне, праектныя прасторы, майстэрні, рэзідэнцыі. Па-англійску. Месцаў ужо няма: новыя заяўкі трапляюць у ліст чакання.
• 4 снежня — ONpaper, анлайн па-нямецку: падаткі і ўнёскі для арганізатараў(-ак) праектаў з дзяржаўным фінансаваннем.
• 9 снежня — CCCberlin, анлайн па-нямецку: як спалучаць працу па найме і фрыланс.

🔤 Англамоўныя семінары «Get started!» пра фрыланс, падаткі і KSK на лістапад ужо запоўненыя, новыя даты пакуль не абвешчаныя. Сачыце за календаром touring artists.

навіны | магчымасці | чат | сайт
Instagram | Facebook | Падтрымаць!