ሱፊይ አሕለሱና ወልጀመዐህ

ቀን 1፦ የ30 ቀን ሰላማዊ የመብትና የፍትሕ ዘመቻ መክፈቻ
የዘመቻው ዓላማ፣ የሰላማዊ ተሳትፎ መርሆዎችና የተሰዉፍ መንፈሳዊ መሠረት።
።።።።።።።።።።።።።።።።።
ዛሬ የ30 ቀን ሰላማዊ የሀሽታግ ዘመቻችንን እንጀምራለን።

ዓላማችን የኢትዮጵያ አህለሱና ወለጀመዓ ሱፍያ ሙስሊም ማኅበረሰብ የሚያነሳቸውን የመብት፣ የእኩልነት፣ የሃይማኖት ነፃነትና የተቋማዊ ተጠያቂነት ጥያቄዎች በሰላም፣ በማስረጃና በሕግ ማቅረብ ነው።

ተሰዉፍ በእስልምና ውስጥ ከልብ ማንጻት፣ ከሥነ ምግባር፣ ከዝክርና ከመንፈሳዊ ሥልጠና ጋር የተያያዘ ትውፊት ነው።

ይህንን ታሪካዊ አደራ ስንጠብቅ፣ የማንኛውንም ሰው ክብርና መብት እናከብራለን።

የምንጠይቀው በቀል ሳይሆን ፍትሕ ነው፤ ግጭት ሳይሆን ሰላማዊ መፍትሔ ነው።

ከእኛ ጋር በአንድነት ድምፃችሁን አሰሙ።

#ህገመንግስቱን_የጣሰዉ_የመጅሊስ_ግፍ_ይቁም #ፍትህ_ለኢትዮጵያ_ሱፊ_ማህበረሰብ #Justice_For_Ethiopia_Sufi_Community

« የነቢዩ ቤተሰቦች ሆይ! አላህ የሚሻው ከእናንተ ላይ እርክሰትን ሊያስወግድና ማጥራትንም ሊያጠራችሁ ብቻ ነው፡፡ »
አል አህዛብ

👉 ይህ አንቀፅ የነቢዩ ሰለሏሁ ዐለይሂ ወሰለም ባለቤቶች አህለል በይት የሚለው ስያሜ ውስጥ እንደሚገቡ ቁርጥ ያለ ማስረጃ ነው ፤ ምክንያቱም አንቀፁ የወረደው በነርሱ ምክንያት ነው ፣ ለአንድ አንቀፅ መውረድ ምክንያት የሆነ ነገር ደግሞ ወይ ብቻውን ወይም ደግሞ በትክክለኛው አቋም ሌላውንም ጨምሮ እዚያ አንቀፅ ውስጥ ይካተታል ።

ተፍሲር ኢብኑ ከሲር